Kompetisie inskrywings

Veronica Louw

Dorp: Potchefstroom

Antwoord 1: My ma en ek het saam deur seisoene van hartseer en vreugde gestap. Ons het geleer dat die lewe nie net uit lig bestaan nie, maar dat die donker ook ’n plek het waar mens gevorm word. Ons het verlies geken die soort verlies wat stil word in ’n huis en swaar lê op ’n hart. Tog het ons nooit alleen daardeur gegaan nie. Ons het mekaar vasgehou, selfs wanneer woorde opgeraak het. My ma het my geleer wat onvoorwaardelike liefde regtig beteken. Nie die maklike soort nie, maar die liefde wat bly wanneer dinge breek, wanneer mense faal, wanneer pyn te groot voel. Sy het my gewys hoe om lief te hê sonder voorwaardes, sonder beloftes van terugkry net omdat liefde kies om te bly. Sy het my ook geleer om my battles op my knieë te veg. Dat nie elke stryd met woorde of woede gewen word nie, maar met oorgawe, gebed en vertroue. Wanneer ek swak was, het sy my herinner dat krag nie altyd beteken om regop te staan nie, maar soms om te kniel. Met elke gebeurtenis het nuwe hoop gekom ’n herinnering dat die lewe, ten spyte van alles wat geneem is, steeds kan gee. Ek het gesien hoe my ma se oë weer lig kry, hoe liefde vermenigvuldig wanneer dit gedeel word, en hoe genesing stadig, sag en sonder aankondiging plaasvind. Ons storie is nie perfek nie. Dit is geweef met trane, gebede, lag en stille oorwinnings. Maar dis ons storie een van verlies én lewe, pyn én vreugde. En bo alles, ’n storie van ’n ma wat my geleer het hoe om lief te hê, hoe om te glo, en hoe om aan te hou wanneer dit moeilik is.

Antwoord 2: My mamma het haar man verloor en in die tyd wat ek my pa verloor het, het my mamma ook haar man verloor. Ons verstaan mekaar se seer en saam deel ons stories. Ek en my ma bly saam en geniet elke oomblik van die lewe, want ons weet die lewe is kosbaar en kort. 'n mamma se plek kan nooit vervang word nie en ons is so dankbaar om saam te kan wees.

Antwoord 3: Vergewe en vergewe en nogmaals vergewe. Beweeg aan. Tyd is kosbaarder as goud dit is iets wat nie gekoop kan word nie en ook nie teruggekry kaan word nie. Gaan drink tee saam. Besoek kwekerye. Die dag as jou ma nie meer daar is nie kan jy sê, maar hierdie plantjie kom van my ma af. Maak mooi herinneringe, bewaar die mooi stories. Ons vergeet die dinge wat ons wil onthou en onthou die dinge wat ons eintlik wil vergeet. Praat eerder dinge uit oor 'n koppie tee en geniet elke kosbare oomblik saam jou ma.