Kompetisie inskrywings

Annemey Geldenhuys

Dorp: Polokwane

Antwoord 1: Ons het soveel in gemeen dat dit party dae regtig voel asof ons tweelinge is – nie net omdat ons na mekaar lyk nie, maar oor hoe ons dink en voel. Ons is altwee mal oor kosmaak en spandeer baie tyd saam in die kombuis, waar daar altyd gesels, gelag en lekker kos is. Dat ons ook altwee dokters is, maak dit nog makliker om mekaar te verstaan op n dieper vlak. Sy is nie net my ma nie, maar ook my beste vertroueling. Ons deel alles met mekaar, saam met Annemey se sussie, Yvette, en dit maak ons band net nóg sterker. Soos enige regte verhouding, is daar natuurlik ook tye wat ons vas sit of verskil, maar dit is deel van die liefde en die eerlikheid wat ons met mekaar het. En dan is daar my ma se gunsteling ding: wanneer mense vir haar vra of sy Annemey se ouer sussie is. Dit laat haar altyd baie gevlei voel.

Antwoord 2: Elke huis het sy kruis, maar sy en haar ma het nog altyd gekies om positief te bly en vas te hou aan die goeie oomblikke. Dis juis hoekom daar vandag nog gelag word oor een spesifieke herinnering uit haar kleuterskooldae. Een dag bak sy en haar ma saam koek. Haar ma klits die deeg met die handklitser en draai net vinnig om om iets uit die kas te haal. Sy, wat op ’n stoel staan en nuuskierig is, besluit toe sy wil ruik hoe die deeg ruik… en voor haar ma haar kan keer, druk sy haar hele kop in die bak. Die volgende oomblik kry die klitser haar hare beet. Die gevolg? ’n Mooi kaal kolletjie op haar kop wat vir byna ’n hele jaar daar bly. Elke oggend moes haar ma met engelgeduld haar hare vir kleuterskool in ’n perfekte poniestert maak, net sodat die kolletjie nie wys nie. Dit het tyd, moeite en baie liefde gevat. Vandag is dit een van daardie stories waaroor hulle steeds lag – ’n klein, snaakse herinnering wat wys hoe hulle saam deur alles gaan, met geduld, humor en baie liefde.

Antwoord 3: • Spandeer kwaliteittyd saam, al is dit iets eenvoudig soos kosmaak of bak – dis dikwels waar die mooiste stories ontstaan. • Lag saam oor foute en ongemaklike oomblikke; dit word later die herinneringe wat julle die naaste aan mekaar bring. • Wees geduldig met mekaar. Soms vat verhoudings ekstra tyd, moeite en herhaling – soos elke oggend ’n poniesterk maak met sorg. • Deel alles met mekaar en bou vertroue sonder oordeel. ’n Sterk ma-dogter-verhouding groei uit eerlikheid en saamstaan. • Perfeksie is nie die doel nie. Egte verhoudings bestaan uit liefde, begrip en die vermoë om saam aan te gaan.