1 Giet 40 ml asyn, ’n lourierblaar en 6 peperkorrels in ’n klein kastrol en kook af oor hoë hitte tot ’n derde van die asyn oorbly.
2 Klits 2 eiergele, die asyn en ’n klontjie sagte botter oor ’n dubbelkoker tot dit begin verdik. Dit moet oor ’n baie lae hitte gedoen word aangesien die sous maklik skif.
3 Voeg 125 g sagte botter blokkie vir blokkie by die eiermengsel en klits goedna elke byvoeging. Haal van die hitte af sodra al die botter bygevoeg is. Die sous moet blink en glad wees
NOG WENKE
- Sit hollandaise-sous met geroosterde of geposjeerde vis, eiers en groentegeregte voor.
- ’n Elektriese handklitser sal die proses baie vinniger en makliker maak.
- Die sous moet vloeibaar wees sodat dit maklik oor die kos gegiet kan word. As dit te dik is, kan jy dit met suurlemoensap of water verdun.
- As die sous skif, kan jy nog ’n eiergeel byvoeg en goed klits om dit te emulsifiseer.
- Indien die dubbelkoker te warm raak, kan jy ’n kombuisdoek tussen die bak en kastrol sit om die hitte beter te beheer.
ANDER VARIASIES
Lemoen-hollandaise Vervang die suurlemoensap deur lemoen- of pomelosap en geur met die gerasperde skil van een lemoen. Dis veral lekker saam met aspersies.
Chantilly-hollandaise Vou 60 ml styf geklitste crème fraîche of dubbeldikroom by die sous in. Heerlik ryk saam met hoender of vis.
Mosterd-hollandaise Voeg 10 ml Dijon-mosterd by en sit voor met eiers of vis.
