Lucinda Mudge
Kapenaars sal binnekort die voorreg hê om hierdie kunstenaar se werk tydens ’n uitstalling in Kalkbaai te ervaar. Lucinda is ’n jong kunstenaar wie se skerp sin vir humor en pragtige keramiek-werke nasionaal en internasionaal deur groot privaat en korporatiewe versamelaars opgeraap word.
Haar uitstalling open op 3 September 2016 om 11vm by Agapanthus in Kalkbaai.
Vir navrae oor die uitstalling, kontak Agapanthus by [email protected]
Merwyn Gers
Merwyn Gers Ceramics spesialiseer in handgemaakte en unieke tafelgerei. Sy kliënte sluit van Suid-Afrika se bekendste sjefs, wildplase en gastehuise in.
Merwyn ontwerp vorms, ontwerpe, kleur en meng sy eie glasuur. Hy skep sy eie ontwerpe om op keramiek verewig te word. Sy werk is bekostigbaar en steeds eksklusief.
Vir verdere inligting, besoek www.merwyngers.com
Diana Ferreira Ceramics
Alhoewel Diana Ferreira aanvanklik glas en keramiek gekombineer het, het sy later begin om bakke en koppies te giet. Nadat sy haar eerste besending swart klei ontvang het, het sy haar stempel hierop afgedruk.
Sy het gou geleer hoe om haar eie gietvorms te ontwerp en te vervaardig. Haar styl is klassiek en uniek.
Vir nog inligting, besoek www.dianaferreiraceramics.com
