Een uit vyf mense kry kolonkanker en een uit vier Suid-Afrikaanse kolonkankerlyers het ’n familielid daarmee. Dus: dit is algemeen en dit is in ons gene vasgelê.
So lyk die simptome
As jy die volgende simptome herken, steek onmiddellik alle skigtigheid in jou agtersak: Rooi bloed of swart teeragtige, taai stoelgange Gereeldheid wat wissel van hardlywigheid na diarree Die voortdurende gevoel dat daar iets is maar niks gebeur nie Jy verloor gewig sonder om te dieet Jy is moeg sonder rede. Naarheid Pyn en krampe ná ete; voortdurende opgeblaasde gevoel, winderigheid sonder rede, vol sonder rede.
Is dit so erg?
Nee, die skoop is baie dun. Maar dit kan kramperig voel. Jy kry in elk geval ’n enema vooraf en ligte sedasie vir die prosedure. Dit neem 30-60 minute. Reël dat iemand jou by die hospitaal afhaal, want jy mag nie ná die sedasie bestuur nie.
Keer
Dit lyk asof aspirien voorkomend is by mense met ’n hoë risiko. Praat met jou internis, want aspirien is nie vir almal nie. Rook en oorgewig verhoog jou risiko Dit lyk asof kalsium en vitamien D-aanvullings voorkomend kan wees. Melk bevat altwee, mits dit nie vetvrye melk is nie Eet genoeg vrugte en groente om die kolon skoon te hou.
