4 porsies

Bestanddele

• 500 g (2½ k) bruin-en-rooi-rysmengsel vir mikrogolf
• 30 ml (2 e) olyfolie
• 4 eiers
• 4 salotte, dun gesny
• 30 ml (2 e) Thaise rooikerriepasta
• 2 knoffelhuisies, fyngedruk
• 300 g tofu, verkrummel
• 150 g gemengde Oosterse sampioene, in 1 cm-skywe gesny
• 1 rooi soetrissie, dun gesny
• 37,5 ml (2½ e) sojasous
• 15 ml (1 e) lemmetjiesap
• 250 ml (1 k) basiliekruidblare

Metode

1. Berei die rys volgens die aanwysings op die pakkie voor.
2. Verhit die helfte van die olie in ’n kleefvrye braaipan oor matige hitte. Breek die eiers in die pan, krap dit van die rand na binne en bak in omeletvorm.
3. Braai vir 3 minute of tot gaar. Rol die omelet in die pan op, skuif dit versigtig op ’n bord en sny in 1 cm-skywe.
4. Verhit die res van die olie in ’n wok oor hoë hitte. Braai die salotte vir 3 minute of tot sag. Voeg die kerriepasta en knoffel by en braai vir 30 sekondes.
5. Voeg die tofu, sampioene en soetrissie by en roerbraai vir 4 minute of tot gaar.
6. Voeg die rys en omelet by. Roer vir 1 minuut of tot deurwarm.
7. Roer die sojasous, lemmetjiesap en basiliekruidblare by. Bedien dadelik.

Lees ook: Thaise Varkkerrie

The post Thaise gebraaide rys appeared first on rooi rose.

6 porsies

Bestanddele

• 400 g broskorsdeeg, ontdooi
• 30 ml (2 e) bruinsuiker
• 15 ml (1 e) meel
• 40 g botter, gesmelt
• 2 eiers, liggies geklop
• 200 ml (¾ k) esdoringstroop
• 50 g ongesoute makadamianeute
• 45 g pekanneute
• 35 g okkerneute

rr wenk: Dis belangrik om egte esdoringstroop te gebruik om die regte beslag te kry.

Instruksies

1. Smeer ses ronde geriffelde tertpanne (10 cm) met botter.
2. Rol broskorsdeeg uit en gebruik deegroller of leë wynbottel om dit glad te maak.
3. Gebruik een pan om 6 rowwe deegsirkels uit te meet. Maak seker elke sirkel is groot genoeg om teen kante van panne op te gaan.
4. Lig broskorsdeegsirkels in panne. Druk bodem en kante plat, sny rantjies af. Bedek en plaas in yskas vir 30 minute.
5. Voorverhit oond tot 200 ℃. Plaas pan op oondrak. Voer elke pan met bakpapier uit en vul met droë boontjies of rys.
6. Bak blind vir 12 minute tot liggoudbruin. Verwyder papier en boontjies.
7. Plaas suiker, meel, botter, eiers en esdoringstroop in bak. Klop tot gemeng. Vou neute in.
8. Verlaag oondtemperatuur tot 180 ℃. Verdeel vulsel tussen panne. Bak tertjies vir 20 minute tot gestol. Laat afkoel.

Bedien dit met 6 skeppies vanieljeroomys (opsioneel).

The post Neuttertjies appeared first on rooi rose.

Deur Vickie de Beer. Foto deur Neil Corder

Kooktyd: 15 minute

Beesvleis aftreksel

1. Sit die bene in ’n oondpan en smeer met tamatiepasta.
2. Rooster tot goed bruin – roer nou en dan deur.
3. Sit die groente by en rooster vir 15-20 min.
4. Sit die bene, groente en water in ’n 6-10 liter-kastrol. Bring die water oor lae hitte tot kookpunt. Voeg nou die knoffelhuisie, peperkorrels en bouquet garni by.
5. Skep die skuim deurentyd met ’n groot metaallepel of soplepel af.
6. Prut die aftreksel vir 3-4 uur en gooi deur ’n sif wat met ’n moeseliendoek uitgevoer is.

Hoenderaftreksel

Jy kan dié aftreksel met hoenderbene maak – presies soos die beesvleisaftreksel, maar ek verkies die geurigheid van ’n heel hoender. Die aftreksel is kragtiger en bevat ook meer vet.

Bestanddele

• 1 heel hoender
• 2 uie, ruweg gekap
• 4 wortels, ruweg gekap
• 4 preie, ruweg gekap
• 4 selderystingels, ruweg gekap
• Bouquet garni: ’n takkie tiemie, roosmaryn, lourierblare en pietersielie
• sout

Metode

1. Verhit die oond tot 200 °C.
2. Pak die groente in ’n oond-skottel en geur met sout en peper. Rooster tot lekker bruin.
3. Bind die kruie in ’n bossie saam, bind aan die kastrol se handvatsel en sit saam met die hoender en groente in die kastrol.
4. Gooi sowat 3 liter koue water by en geur met sout.
5. Prut stadig vir sowat 2-3 uur.
6. Verwyder die hoender en syg die aftreksel deur ’n sif wat met ’n moeseliendoek uitgevoer is. Die groente kan jy maar weggooi, maar hou die hoender vir toebroodjies of ’n pastei.

Notas

’n Goeie aftreksel moet stadig gekook word, en die belangrikste is om aan die begin soveel moontlik geur uit die basiese bestanddele te haal. Vir sop gebruik jy meestal bees- of hoenderaftreksel, maar die basiese beginsels bly dieselfde. Ek kook oor naweke, of wanneer ek tyd het, sommer ’n groot pot aftreksel. Nadat die groente en vleis verbruin is, is die werk klaar en kan jy met jou dinge aangaan terwyl dit kook.

Indien jy nie jou eie aftreksel kan kook nie, kan jy blokkies gebruik, maar onthou om versigtig te wees met die sout wanneer jy die sop geur, want dié blokkies is baie sout. Maak dit eerder flouer aan (1 blokkie op ’n liter water) sodat dit nie die sop oorheers nie.

Dis wys om altyd aftreksel in die vrieskas te hê. Vries groot hoeveelhede in 2 liter-roomysbakke. Keer later die blok uit, draai toe met kleefplastiek en skryf die naam van die aftreksel en die datum waarop dit gekook is daarop. Vleisaftreksel moenie langer as 3-4 maande in die vrieskas gehou word nie. Kleiner hoeveelhede kan in koppiegrootte muffinpannetjies gevries word of selfs in ysbakkies en daarna in vriessakkies gevries word.

Belangrik

Die basiese bestanddele vir ’n aftreksel moet so vars moontlik wees. Begin by die bene. Kies goeie aftrekselbene met nie te veel vet of vleis aan nie. Die beste is kalfsbene, want dis jonger en bevat meer kollageen.

As jy die bene deeglik rooster, gee jy ’n heerlike karamelsmaak en -geur aan die aftreksel. Ek smeer die bene liggies met tamatiepuree wat die karamellisering aanhelp.

Rooster die groente ook – sny die uie net middeldeur en rooster in ’n pan tot lekker bruin, of gooi alles saam in ’n oondpan en rooster in die oond.

Gooi koue water by die bene, want warm water maak die aftreksel melkerig. Moet aanvanklik nie te veel water bygooi nie, dit sal die aftreksel smaakloos maak. Begin met minder en voeg eerder later nog by.

Aftreksel moet nooit geroer word nie en ook nooit kook nie. Dit moet net liggies prut – dit voorkom dat onsuiwerhede deur die aftreksel versprei word.

Dit is belangrik om die skuim wat op die aftreksel vorm deurentyd af te skep sodat die afvalstowwe nie deur die aftreksel versprei word nie.

Vet is ’n helder aftreksel se vyand. Laat die aftreksel afkoel en sit in die yskas. Die vet sal ’n lagie bo-op vorm wat jy met ’n lepel kan afskep.

Dit is nie noodwendig beter om ’n aftreksel lank te kook nie, dit kan smaakloos word.

Syg die aftreksel deur ’n sif wat met ’n moeseliendoek uitgevoer is.

Kry nog resepte hier:

Beesaftreksel

Vleisaftreksel

Hoenderaftreksel

Visaftreksel

Hoenderaftreksel met hoenderkluitjies

Gebruik hierdie aftreksel ook in roomsoppe

The post Aftreksel: Die basis van goeie sop appeared first on rooi rose.

4 porsies

• 1 ui, fyngekap
• 100 g kerriepasta
• 1 kg lamsvleis, in blokkies gesny
• 410 g-blikkie gekapte tamaties
• 80 ml water
• 125 g babaspinasie

Sit voor

• basmatirys

Metode

1. Braai ui in verhitte en geoliede pot oor matige hitte. Roer sowat 5 minute of tot sag en ligbruin.
2. Voeg kerriepasta en lam by en braai tot lam bruin is.
3. Voeg tamaties en water by en bring tot kookpunt. Prut, bedek, vir sowat 30 minute of tot lam sag is.
4. Voeg spinasieblare by en prut tot spinasie verwelk. Geur na smaak.
5. Sit met vars kruisementblare op gestoomde basmatirys voor.

Lees ook: Maklike lensiemoesaka

The post Vinnige lamskerrie appeared first on rooi rose.

Deur Vickie de Beer. Foto deur CRPhotographic

Bestanddele

• 4 eiers
• 250 g volvetroomkaas
• 5 ml (1 t) vanielje-ekstrak
• 20 ml (4 t) xylitol
• 250 ml room
• gerasperde skil van 1 suurlemoen

Metode

Voorverhit die oond tot 150 °C.

1. Maak jou gunsteling tertkors. (Of gebruik hierdie resep se kors.)
2. Meng al die bestanddele vir die kaaskoek deeglik saam.
3. Vul die tertpan/pannetjies met die vulsel en bak tot geset en liggoud.
4. Sit met vars bessies of grenadella voor.

The post Basiese kaaskoek appeared first on rooi rose.

Bestanddele

• 2 eiervrugte, in 1 cm-skywe gesny
• 30 ml (2 e) avokado-olie
• Sout en gemaalde swartpeper
• 1 ui, fyngekap
• 2 knoffelhuisies, gekneus
• 2 wortels, fyngerasper
• 1 x 410 g blik heel, geskilde tamaties, in die sap fyngedruk
• 7,5 ml (1½ t) kaneel
• 1 x 410 g-blik lensies
• ’n handvol gekapte pietersielie

Bolaag

• 250 ml (1 k) Griekse jogurt
• 1 eier
• 100 g feta, gekrummel

Instruksies

Voorverhit die oond tot 180 °C.

1. Sprinkel die helfte van die olie oor die eiervrug en geur na smaak. Braai stuk-stuk oor matige hitte aan albei kante tot gaar. Hou eenkant tot benodig.
2. Verhit die res van die olie oormatige hitte in ’n groot pan en soteer die uie, knoffel en wortel vir 3 min. daarin tot sag.
3. Gooi die tamaties (en die sous), kaneel en lensies by en prut vir 10 min.
4. Roer die pietersielie deur en haal van die hitte af.
5. Pak die eiervrug en lensiemengsel in lagies en eindig met ’n lagie eiervrug.
6. Meng die jogurt, eier en feta en gooi oor die lensiemengsel. Bak tot die bolaag geset en goudkleurig is – sowat 40 min. vir individuele bakkies en ’n uur vir ’n gesinsgrootte bak.

The post Maklike lensiemoesaka appeared first on rooi rose.

Deur Mynhardt Joubert

Hierdie kerrie, met sy oorsprong in Thailand, is vinnig en maklik om te maak. Maak dit meer vullend met vars, kleurryke groente. Maak die kerrie voor die tyd, marineer dit vir ’n rukkie en haal uit die yskas wanneer jy dit nodig het. Ek sit hierdie gereg graag saam met vars lemmetjies en hande vol gekapte vars koljander voor.

8–10 PORSIES

MARINADE

• 500 g ongegeurde dubbelroomjogurt
• 60 ml geelkerriepasta
• 2 knoffelhuisies, geskil en fyngedruk
• 5 cm-stuk gemmer
• 1 brandrissie, sade verwyder en gekap
• 1,5 kg ontbeende varknekblokkies

SOUS

• kanola-olie vir braai
• 2 rooiuie, geskil en in skyfies gesny
• 2 × 400 ml-blikkies klapperroom
• 30 ml vissous

VIR VOORSIT

Geblanseerde mangetout of suikerertjies, mungboontjiespruite, takkies vars koljander, skyfies brandrissie en geel peertamaties (bell tomatoes).

MARINADE

1. Meng jogurt, kerriepasta, knoffel, gemmer en brandrissie en voeg varkblokkies by.
2. Meng goed, bedek en verkoel vir 4 uur of oornag.

SOUS

1. Haal vark uit marinade en gooi marinade weg. Verhit ’n bietjie olie in groot pan en braai vark in sarsies tot mooi bruin. Skep uit pan en plaas eenkant.
2. Verhit nog olie en braai uie tot gaar en goudbruin. Roer klapperroom en vissous by en kook vir 5 minute.
3. Plaas vark terug in pan en prut oor lae hitte vir 20–30 minute of tot gaar en sag.

SIT VOOR

Sit vark saam met mangetout, spruite, koljander, brandrissie en tamaties voor. Sit kerrie saam met jasmynrys voor wat jy met klappermelk en sitroengras kook.

WENK

Vir ’n selfs vinniger kerrie, gebruik varkfilet wat baie vinnig gaar word.

Lees ook: Ierse Bredie met Salsa Verde

The post Thaise Varkkerrie appeared first on rooi rose.

4 PORSIES

POEDING 

30 ml (2 e) botter 

125 ml (½ k) suiker 

1 eier 

30 ml (2 e) appelkooskonfyt 

250 ml (1 k) koekmeel 

1 ml sout 

250 ml (1 k) volroommelk 

15 ml (1 e) asyn 

5 ml (1 t) koeksoda 

SOUTKARAMELSOUS 

125 ml (½ k) water 

187 ml (¾ k) suiker 

60 ml (4 e) volroommelk 

250 ml (1 k) room 

125 g (¼ k) botter 

5 ml (1 t) vanieljegeursel 

3 ml tot 5 ml sout (gewone sout) 

METODE

Stel oond op 180 °C. 

POEDING 

1. Klits botter, suiker, eier en appelkooskonfyt saam.
2. Sif meel en sout saam. Roer by bottermengsel.
3. Meet melk in maatbeker af. 
4. Roer asyn en koeksoda bymekaar. Dit sal bruis. Roer mengsel by melk tot gemeng. 
5. Giet melkmengsel stadig by meelmengsel tot gemeng.
6. Bak vir 40 tot 45 minute of totdat toetspen skoon uitkom. Steek gaatjies met toetspen in poeding, sodat sous maklik kan intrek.

SOUTKARAMELSOUS 

1. Verhit water en suiker oor matige hitte sonder om te roer totdat suiker opgelos is. Dié stap is baie belangrik. Meng net en moenie weer roer nie.
2. Laat vir ongeveer 20 minute kook tot baie ligte strooikleur. Wees versigtig, want dit brand baie maklik in hierdie stadium.
3. Voeg melk by room.
4. Verlaag stoofplaat se hitte tot op laagste, voeg roommengsel stadig by. (Dit sal borrel). Hou aan met roer. 
5. Roer botter by totdat sous glad is.
6. Roer vanieljegeursel en sout by sous en roer tot goed gemeng.
7. Haal poeding uit oond. Steek gaatjies in poeding sodat sous makliker kan intrek.  
8. Giet warm sous bo-oor warm malvapoeding. 
9. Sit malvapoeding saam met roomys of vla voor.

WENK

As jy nie van die sout smaak hou nie, laat dit gerus uit.

Lees ook: Sjokoladepoeding

The post Malvapoeding met soutkaramelsous appeared first on rooi rose.

4 PORSIES

BREDIE

80 ml olyfolie
1 kg ontbeende lamsnek, in 5 cm-stukke gesny
1 ui, fyngekap
1 selderystingel, fyngekap
3 knoffelhuisies, fyngedruk
5 k hoenderaftreksel
400 g wortels, sny bokant af en hou eenkant
1 raap, in ses skywe gesny
¼ k geroosterde haselneute, gekap

SALSA VERDE

1½ k pietersielie
1½ e vars tiemieblare
1 e kappertjies, gedreineer
1 knoffelhuisie, fyngekap
1 t bruinsuiker
¼ k olyfolie
1½ e witwynasyn

METODE

BREDIE

1. Verhit 2 e olyfolie in pot oor hoë hitte. Braai lam in sarsies vir 5 minute, draai af en toe om totdat dit oraloor bruin is. Haal uit pan.
2. Verlaag tot matige hitte en voeg oorblywende olie by pan. Braai ui, seldery en knoffel vir 10 minute of tot sag en roer af en toe.
3. Plaas lamsvleis terug in pot en gooi aftreksel in. Bring tot kookpunt. Verlaag hitte sodra dit begin kook en laat vir 2 uur met deksel prut tot vleis sag is.
4. Verhoog hitte tot matig en voeg wortels en raapskywe by. Kook vir 15 minute of totdat vloeistof begin verdik.

SALSA VERDE

1. Meng bestanddele saam in voedselverwerker. Voeg ½ k van die wortelbokante wat jy afgesny het, by en meng op hoë spoed. Voeg sout, peper en kruie na smaak by.
2. Sit bredie saam met geroosterde haselneute en salsa verde bo-op voor.

WENK

As die pan begin aanbrand, voeg een of twee eetlepels water by om te keer dat stukkies aan die onderkant vasbrand.

Lees ook: Hoenderkerriepasteitjies

The post Ierse Bredie met Salsa Verde appeared first on rooi rose.

 4 Porsies

1 e olie
800g ontbeende hoenderdytjies, grofgekap
2 e kerriepasta
1 k bevrore ertjies
1 e mielieblom
1½ k hoenderaftreksel
1 e koljander, fyngekap
1 vel skilferkorsdeeg
1 eier, liggies geklits

Metode

1. Voorverhit oond tot 200°C. Smeer vier ramekinbakkies (10 cm x 6 cm) met botter. Plaas op bakplaat.
2. Verhit olie in pan oor hoë hitte. Braai hoender tot bruin en gaar. Voeg kerriepasta by, laat kook en roer tot geurig. Voeg ertjies, mielieblom en aftreksel by en bring tot kookpunt. Verminder hitte en laat prut terwyl jy roer tot sous verdik. Roer koljander by en geur na smaak.
3. Verdeel mengsel eweredig tussen bakkies. Sny deeg in kwarte. Druk een deegvierkant oor elke ramekinbakkie en smeer met eier. Bak vir 15 minute of tot deeg ligbruin en gepof is.

Jy kan ook die pasteideeg met ‘n bietjie melk in plaas van eier smeer.

Lees ook: Indiese dosa met geurige blomkoolkerrie

The post Hoenderkerriepasteitjies appeared first on rooi rose.

Genoeg vir 4

• 250 ml (1 k) basmatirys
• 125 ml (½ k) geel split-ertjies
• 10 ml (2 t) vinkelsaad, liggies gerooster
• 30 ml (2 e) olyfolie

1 Week die basmati vir 6 uur in 500 ml water in ’n middelslag-mengbak. Week ook die ertjies vir 6 uur in 500 ml water in ’n ander mengbak.
2 Verwerk die basmatirys en die ertjies afsonderlik in die weekwater in ’n voedselverwerker tot romerig.
3 Meng die basmati en ertjies en laat oornag gis tot dit borrel en die stysels afgebreek is (in kouer weer neem dit langer).
4 Voeg die vinkelsaad by en geur met sout.
5 Verhit ’n bietjie olyfolie in ’n kleefwerende pan.
6 Voeg sowat 45 ml van die beslag in die pan en draai die pan rond om die deeg eweredig te versprei.
7 Bak totdat daar borreltjies aan die bokant verskyn.
8 Draai die pannekoek om en bak vir nog 2 min.
9 Herhaal met die res van die beslag.

Geurige blomkoolkerrie

Genoeg vir 4 saam met die dosa

• 45 ml (1½ e) olyfolie
• 4 naeltjies
• 1 kaneelstokkie
• 2 kardemompeule
• 5 ml (1 t) vinkelsaad
• 1 ui, dun gesny
• 1 klein brandrissie, middeldeur gesny
• 3 kerrieblare
• 1 tamatie, grof gekap
• 5 ml (1 t) gemmer, gerasper
• 5 ml (1 t) knoffel, gekneus
• 2,5 ml (½ t) sout
• 1 ml (¼ t) borrie
• 2,5 ml (½ t) gemaalde koljander
• 1 ml (¼ t) gemaalde komyn
• 2,5 ml (½ t) garam masala
• 1 groot blomkool, in blommetjies gesny
• 125 ml (½ k) klapperroom

Koljandersous
• 1 bossie vars koljanderblare
• 1 fyn gekapte knoffelhuisie
• 5 ml (1 t) lemmetjiesap
• ’n halwe rooi brandrissie, wit vliesies uitgehaal en fyn gekap
• 80 ml (⅓ k) water.
• Meng al die bestanddele in ’n voedselverwerker tot glad.
• Geur met sout en swartpeper.

1 Verhit 15 ml van die olie in ’n pan en voeg die naeltjies, kaneel, kardemom en vinkel by, en braai vir 2 min. tot geurig.
2 Voeg die uie, rissie en kerrie-blare by en soteer tot die uie goudbruin is.
3 Voeg die tamatie, gemmer, knoffel en sout by en soteer tot die tamatie gaar is.
4 Voeg die borrie, koljander en komyn by.
5 Voeg 125 ml water by en meng dit deur.
6 Kook die mengsel oor lae hitte totdat dit byna drooggekook is.
7 Voeg die garam masala en die blomkool by.
8 Kook oor matige hitte totdat die blomkool net-net gaar is.
9 Voeg die klapperroom by en prut vir nog 5-7 min. tot die blomkool sag is maar nie pap nie.
10 Skep die blomkoolkerrie op die dosa-pannekoeke en sit met die koljandersous voor.

The post Indiese dosa met geurige blomkoolkerrie appeared first on rooi rose.

Te danke aan avontuurlustige kalante wat speserye in alle uithoeke van die aarde gaan soek het, het ons ’n kosskatkis vol eksotiese geure en kleure. Heel speserye versus gemaalde speserye is nie net ’n geriefsargument nie. Die geur wat vars speserye aan ’n gereg gee, kan nie met die vooraf gemaalde weergawe vergelyk word nie.

Speserye se geurpasmaats

Speserye word as “soet” of “sout” beskou om in sout of soet geregte te gebruik. “Soet” speserye sluit neutmuskaat, kaneel, anys, steranys, karwysaad, vinkel en kardemom in en kan in nageregte en gebak gebruik word. “Sout” speserye soos jenewerbessie, komyn, koljander en naeltjie werk goed saam met vleisgeregte.

Die meeste speserye verg ’n bietjie aandag om hul vlugtige olies vry te stel. Braai heel speserye droog, of in ’n klein bietjie verhitte olie om die geur aan te wakker.

3 blitsidees met speserye

• Geurige vla

Gooi 180 ml (1/3 k) melk in ’n middelslagkastrol, voeg ’n kaneelstok, ’n steranys en ’n naeltjie by en verhit stadig oor lae hitte. Roer 1 x 385 g-blik kondensmelk by en kook vir 4-5 min. Klits 6 eiergele tot glad. Gooi ’n klein bietjie van die warm melkmengsel by en roer weer tot glad. Gooi alles terug in die kastrol en roer heeltyd. Kook vir 2 min. tot dik. Haal die speserye uit. Sit op ’n koue aand met ’n gebakte poeding voor.

• Winter-masala

Rooster 5 ml (1 t) elk komyn, karde-mom en 3 naeltjies. Laat afkoel en maak fyn in ’n stamper en vysel. Roer 5 ml (1 t) gemaalde neutmuskaat, 15 ml (1 e) elk paprika en cayennepeper, 45 ml (3 e) bruinsuiker en 2 fyn gekapte knoffelhuisies by. Bedek met olyfolie en smeer oor hoender voor dit gerooster word.

• Winterdoepa

Verhit 250 ml (1 k) brandewyn met ’n duimlengte geskilde gemmer, ’n stuk pypkaneel, ’n steranys, die skil van ’n lemoen en 30 ml (2 e) heuning. Prut vir 2 min. en gooi in ’n gesteriliseerde bottel. Skink as die winteraande lank raak en om verkoue teë te werk.

Koop só

Koop vars speserye by ’n goeie handelaar, of kyk na die vervaldatum op die pakkie. Vars gedroogde speserye het ’n skerper geur en ’n helderder kleur. Koop speserye afsonderlik en maal jou eie mengsels. Ons gebruik ’n koffiemaler wat vir die doel opsygesit is.

Bêre só

Lug- en ligdigte verpakkings sorg dat die geur en kleur van die speserye behoue bly. Hou die speserye op ’n koel, droë plek sodat hulle nie muf nie, en dat die geur nie in die hitte verslaan nie. Grootmaatspeserye kan gevries word om die geur te bewaar. Skud die regte hoeveelheid droë speserye op ’n lepel uit, eerder as om die botteltjie oor ’n stomende pot te hou en alles dan klam word.

Toets só

… of speserye nog sterk genoeg vir gebruik is: Skud die toe botteltjie gemaalde speserye en ruik met die oopmaakslag of die geur nog sterk genoeg is. Speserye het ’n beperkte rakleeftyd. Heel speserye hou vir een tot twee jaar en sade en gedroogde wortels vir twee tot drie jaar. Gooi liefs gemaalde kruie wat ouer as ’n jaar is uit, of toets voor gebruik.

Maak só

Maal heel speserye soos benodig om die beste uit elke geur te haal. Die geur van speserye verslaan wanneer dit gemaal word en met suurstof in aanraking kom. Verhit ’n pannetjie en gooi die speserye by. Braai droog tot hul geur skerp na vore kom. Dié metode is gewild in Indië, want die olies word vrygestel en die speserye maal makliker in ’n stamper en vysel tot ’n poeier. Die speserye kan ook in ’n bietjie verhitte olie gebraai word. Gebruik die gegeurde olie vir nog meer woema.

Gebruik só

Onthou speserye se medisinale gebruike: cayennepeper verrig wondere vir die bloedsomloop en gemmer werk koue hande en voete teë. Kaneel beheer bloedsuiker, naeltjies verlig tandpyn en karwysaad is goed vir die spysvertering. Kou ná ete ’n paar vinkelsaadjies om jou asem te verfris.

The post 3 blitsidees met speserye appeared first on rooi rose.

Suid-Afrikaners word elke avokadoseisoen aan een eenvoudige waarheid herinner: om ’n avokado by jou maaltyd te voeg, is een van die maklikste maniere om alledaagse eetgewoontes oemf te gee. En gaan alledaagse geluk nie daaroor om eenvoudige geregte in iets ’n bietjie meer van ’n bederf te omskep nie? Met hul romerige tekstuur, ryk geur en onmiskenbare veelsydigheid bring avokado’s ’n tikkie luuksheid na enige bord, of dit nou ontbyt, middagete, aandete of selfs ’n vinnige peuselhappie gedurende jou dag is.

Maar avokado’s bied meer as net ’n goeie smaak – hulle gee die gesondheidshupstoot wat ons almal nodig het. Groen- en donkerskilavokado’s bied indrukwekkende voedingswaarde. Hulle is hoog in energie, vitamien K en biotien, asook cholesterolvry, natriumvry en ’n bron van vesel. Hul goeie vette het anti-inflammatoriese en anti-oksidanteienskappe, wat kan help om fisiologiese prosesse wat verband hou met alzheimersiekte en ligte kognitiewe inkortings te verminder.

Maar dis nie al nie! Avokado’s is natuurlike gemoedsversterkers. Een avokado bevat 13 g gesonde mono-onversadigde vetsure. ’n Dieet hoër in hierdie goeie vette kan die risiko van depressie, angs en ander geestesgesondheidsversteurings verlaag. Dit kan ook denkeverwerking,  hormoonproduksie en stresverminderingsmeganismes in die brein ondersteun. Met ander woorde, avokado’s bied werklik hope vreugde! 

Avokado’s word plaaslik gekweek en is amper die hele jaar deur in Suid-Afrika beskikbaar. Dit is so prakties as wat dit heerlik is. Dit kan in guacamole fyngemaak word, oor slaaie gesny word, op toebroodjies in lagies gepak word, by pizzas gevoeg word, of selfs in sop en nageregte gemeng word. Of jy dit nou in blokkies sny, puree of bloot skep en geniet, avokado’s pas moeiteloos in enige maaltyd met minimale voorbereiding in.

Dis ’n slim toevoeging tot ’n gebalanseerde eetplan. Die gesonde mono-onversadigde vette in avokado’s help om ’n mens meer versadig te laat voel, wat help om ooreet te verminder en drange na minder voedsame opsies te bekamp. Dit maak dit ’n waardevolle bondgenoot in energie-beheerde diëte en gewigsbestuur.

Waarom dus avokado’s? Dis ’n onverwerkte kos wat gesonder is, van nature ’n groot neiging, eindeloos veelsydig en ’n waarde-vir-geld-bederf wat geur én voeding tot die alledaagse lewe voeg.

 Met die avokado-seisoen in volle swang, was daar nog nooit ’n beter tyd om hul romerige goedheid te geniet nie. Voeg ’n avokado by – van roosterbrood tot taco’s, doopsouse tot nageregte, slaaie tot sop – en bring ’n bietjie geluk na elke maaltyd. 

Resep 

Meksikaanse burritosop 

Lewer 4 porsies 

Voorbereidingstyd: 20 minute 

Gaarmaaktyd: 25 minute 

Bestanddele: 

• Avokado- of olyfolie vir kook
• 2 klein wraps, in 1 cm-repies gesny
• 2 hoenderborsies, in blokkies gesny
• 5 ml (1 t) gerookte paprika
• 5 ml (1 t)fynkomyn
• Sout en peper
• 1 ui, gekap
• ½ geel soetrissie, in blokkies gesny
• 1 knoffelhuisie, fyngedruk
• 410 g-blikkie Meksikaanse styl gekapte tamaties
• 750 ml (3 k) hoenderaftreksel
• 2 lemmetjies,“wange”afgesny 
• 1 avokado, in skywe gesny en/of in blokkies gesny
• handvol koljander 
• 1 rooi brandrissie, dun gesny (opsioneel)

Metode: 

1. Verhit ’n bietjie olie in ’n kastrol oor matige hoë hitteen braai die wrap-repies, in sarsies, vir ongeveer 2 minute, draai om, tot goudbruin en bros. Dreineer op papierhanddoek. 
2. Meng die hoender, paprika en komyn. Voeg nog ’n bietjie olie by dieselfde pan en braai vir ongeveer 5 minute of tot goudbruin. Geur met sout en peper. Verwyder en sit eenkant.
3. Voeg die ui by dieselfde pan en soteer vir 5 minute of tot goudbruin. Voeg soetrissies en knoffel by en braai vir 1 minuut. Geur met sout en peper.
4. Voeg tamaties en aftreksel by, bring tot kookpunt. Plaas die hoender terug en kook vir 8 minute. Voeg ’n bietjie lemmetjiesap by (van die middelpunt, nie die wange nie) en geur met sout en peper.

Sitmet avokado voor, die oorblywende “lemmetjiewange”, bros wrap-repies, koljander en brandrissie (opsioneel).

Lees ook: Mexikaanse tacos

The post Avokado, hoekom? Omdat geluk in seisoen is  appeared first on rooi rose.

Gebruik hierdie resep as basis vir vleesagtige groentes soos botterskorsies, aartappels en patats. Laat die lemoenskil en -sap weg by ander groentes.

Genoeg vir 4-6

Bestanddele

• 30 ml (2 e) olyfolie
• 1 ui, gekap
• 2 knoffelhuisies, gekap
• sout en gemaalde swartpeper
• 1 kg wortels, geskil en ruweg gekap
• gerasperde skil en sap van 1 lemoen
• 1,5 liter (6 k) hoenderaftreksel, plus 500 ml (2 k) ekstra

Metode:

1. ’n hand vol vars koljanderblareVerhit die olie in ’n groot kastrol. Soteer die ui en knoffel vir sowat 5-7 min. oor matige hitte daarin.
2. Voeg die wortel, lemoenskil en -sap, en hoenderaftreksel by. Verhoog die hitte en laat kook. Laat prut vir sowat 20 min. oor matige hitte of tot die wortels sag is.
3. Verwerk die sop in ’n voedselverwerker tot glad. Indien die sop te dik is na jou smaak, voeg die res van die aftreksel by.
4. Voeg ’n hand vol vars koljander net voor opdiening by.

Lees ook: Ertjie-en-spek-sop

The post Wortel-en-lemoensop appeared first on rooi rose.