Maak self gegeurde olies

Maak self gegeurde olies deur Liezel Norval-Kruger. Foto’s: Neville Lockhart. 

Maak self gegeurde olies

Benodigdhede

• bottel
• kurk
• olie (olyf-, of soos verkies)
• geurmiddel soos verkies
• mediumgewig-papier
• foto, of ander afbeelding van die geurmiddel

Maak olie so

1. Kneus die geurmiddel (½ k tiemieblare, of 8 knoffelhuisies, of die skil van 1 suurlemoen) in ’n stamper en vysel.
2. Voeg dit by 300 ml olie en verhit oor ’n lae hitte. Gooi in ’n geskikte houer, bedek en laat vir twee weke trek.
3. Syg deur ’n sif en gooi in ’n gesteriliseerde bottel. Bêre op ’n koel, donker plek.

Maak etiket so

1. Besluit op ’n afbeelding van die geurmiddel – neem ’n foto, of soek ’n bestaande prentjie of illustrasie uit ’n tydskrif, boek of kaartjie.
2. Bepaal die grootte van die etiket deur dit af te meet op die sykant van die bottel.
3. Skandeer en druk die prentjie uit op mediumgewig-papier. Laat ’n wit rand om die prentjie as jy dit met ’n kerfmessie uitsny.
4. Plak met gom vas.

Maak self gegeurde olies

Loer hier vir nog oulike projekte