Genoeg vir 6
• 1,2 kg lamskenkels
• 15 ml tamatiepasta
• sout en swartpeper
• 1 ui, gekap
• 2-3 knoffelhuisies, heel
• 2 wortels, gekap
• 2 selderystingels, gekap
• 30 ml (2 e) olyfolie
• 30 ml (2 e) Marokkaanse spesery-mengsel (by supermarkte)
• 1 kaneelstokkie
• 1 x 400 g- blik heel geskilde tamaties
• 1 x 400 g-blik kekerertjies, gedreineer
• hand vol vars koljander
1 Verhit die oondrooster (hoë hitte). Pak die lamskenkels op ’n oondpan en smeer deeglik met die tamatiepasta. Pak die ui, wortels, prei, seldery en knoffel op ’n ander pan.
2 Rooster vir 15-20 min. of tot die groente geskroei en die vleis en bene goudkleurig is.
3 Sit die vleis, groente en olyfolie in ’n groot kastrol. Voeg die Marokkaanse speserye by en braai vir nog 2 min. Voeg die lamskenkels, tamaties, 2 liter water en kaneelstokkie by.
4 Bring tot kookpunt, verlaag die hitte en prut vir 1½-2 uur of totdat die lam sag is.
5 Lig die skenkels met ’n gaatjieslepel uit die kastrol. Trek die vleis van die been af en sit saam met die kekerertjies terug in die kastrol.
6 Prut vir nog 10 min. en geur met sout en swartpeper. Sit met vars koljander voor.
Lees Meer
