Oondgeroosterde worsies met balsemiektamaties

Bestanddele

• 12 klein lamsworsies
• 6 knoffelhuisies, geskil en gesny
• 2 rooi uie, in wiggies gesny
• sout en gemaalde swartpeper
• olyf- of avokado-olie om oor te gooi
• 2 hande vol kersietamaties aan die stingel
• 45 ml (3 e) balsemiekasyn
• ¼ ciabatta-brood, in stukkies geskeur
• hand vol basiliekruidblare

Metode

Verhit die oond tot 180 °C.

1. Sit die worsies, knoffel en uie in ’n diep roosterbak. Sprinkel olie oor en rooster vir 15 min.
2. Voeg die tamaties, asyn en ciabatta-stukke by en rooster vir nog 15 min. tot goudbruin en krakerig.
3. Strooi die basiliekruidblare oor en smul.