Riboog-steak met béarnaise-sous | rooi rose
Mon-Fri 09.00 - 17.00

Riboog-steak met béarnaise-sous

15/07/2009

Riboog-steak met béarnaise-sous

Serves: Genoeg vir 6 Nutrition facts: 200 calories 20 grams fat

Ingredients

  •  
  • Jy kan dragon deur pietersielie of kerwel vervang.
  • Verhelderde botter: Smelt die botter en skep die boonste, deursigtige lagie af.
  • 6 x 220 g riboog-steaks
  • sout en gemaalde swartpeper
  • Béarnaise-sous
  • 1 ui, fyn gekap
  • 50 ml rooiwynasyn
  • 1 lourierblaar
  • 2 peperkorrels, fyn gedruk
  • 15 ml (1 e) witwynasyn
  • 15 ml (1 e) dragonasyn
  • 2 peperkorrels
  • 1 lourierblaar
  • 3 eiergele
  • 375 ml (1½ k) warm, verhelderde botter
  • ’n hand vol vars dragon, ruweg gekap
  • roketslaai en pommes frites (klein Franse skyfies) vir opdiening

Instructions

1 Verhit die ui, rooiwynasyn, lourierblaar en peperkorrels in ’n klein kastrol oor matige hitte tot die asyn weggekook het. Haal die lourierblaar uit en hou eenkant.
2 Verhit die witwynasyn, dragonasyn, peperkorrels en lourierblare in ’n kastrolletjie. Kook tot dit met die helfte verminder het. Haal die lourierblaar uit.
3 Gooi die asyn in ’n dubbelkoker, voeg die eiergele by en klits tot lig en dik. Voeg die warm botter bietjie vir bietjie by terwyl jy deurentyd klits. Klits tot al die botter bygevoeg is en die sous verdik het.
4 Haal van die hitte af en voeg die uie en dragon by.
5 Verhit intussen ’n swaarboomriffelpan oor hoë hitte tot rookpunt. Geur die steak met sout en peper en braai vir sowat 2 min. aan elke kant of soos jy daarvan hou. Haal uit en laat vir minstens 5 min. rus.  Sit voor met die béarnaise-sous, pommes frites en roketslaai.

 

 



Avatar
Rooi Rose

Lees Meer

Riboog-steak met Béarnaise, Frites & aspersies
05/12/2013




Send this to a friend