Roomys-kombinasies

JY KAN maklik jou eie geure skep

Koop goeie roomys, laat staan by kamertemperatuur sodat dit effens sag word en roer lekkergoed daardeur. Laat weer vries en siedaar!

Probeer dié kombinasies

• Roer suurlemoensmeer (lemon curd), klapperskaafsels en meringuestukkies deur.
• Roer gekapte pepermentsjokolade, Whispers en 100 g gesmelte melksjokolade deur.
• Roer frambooskonfyt en vars frambose deur.
• Roer ’n gekapte Crunchie of heuningkraaklekkers, geroosterde haselneute en gesmelte witsjokolade deur.