Skoonheidshuise wat borskankerbewustheidsveldtogte ondersteun

Skoonheidshuise wat borskankerbewustheidsveldtogte ondersteun deur: Corné Greeff. Foto: nito100/istock images 

ghd

ghd werk saam met Britse bykomstighede ontwerper Lulu Guinness om geld vir die PinkDrive-organisasie in te samel. R100 van elke item van die ghd Lulu Guinness-reeks wat verkoop word, word aan PinkDrive geskenk. Jy kan kies tussen die ghd gold (R2 700) of die ghd air (R2 200). ghd het oor die afgelope veertien jaar reeds R170 miljoen ingesamel vir borskanker-organisasies wêreldwyd.

Matsimela

Saam met elke aankoop van Matsimela se Litchi & Rose Hand Cream (R135) kry jy ’n gratis Litchi & Rose Bath Soak én R2 van elke item wat verkoop word, word geskenk aan die PinkDrive-organisasie.

Lees ook: 7 goed wat jy in 2018 moet weet oor borskanker

Skin Republic

Skin Republic werk saam met Dis-Chem om geld in te samel vir die Dis-Chem-Stigting. Met die verkope van elkeen van Skin Republic se nuwe Pink Clay Masks (R80) word R1 geskenk vir navorsing en die bewusmaking van borskanker. Die masker verminder die voorkoms van  pigmentasie merke en verwyder gifstowwe uit die porieë wat help dat jou vel sag, glad en helder lyk.

SoyLites

Ten bate van Borskankermaand het Soylites ’n beperkte uitgawe-reeks, genaamd HOPE, gemaak om geld in te samel vir die organisasie PinkDrive. Die reeks bestaan uit die HOPE Body Balm (R140 vir 125ml) en die HOPE Moisturising Candle (R240 vir 260ml). 10% van alle verkope tydens Oktober word dan geskenk aan PinkDrive.

Avon Justine

Avon hou elke jaar die iThemba Walkathon waar amper 30 000 mense deelneem aan die wedloop om geld in te samel vir verskillende organisasies soos, CANSA, Look Good Feel Better en Wings of Hope. Die woord iThemba beteken “hoop” in Zulu en oor die jare het Avon Justine al reeds meer as R20 miljoen ingesamel vir bewusmaking en om geleenthede te skep vir vroue om mammogramme te kry.