Staatmaker-viskoekies

Genoeg vir 8 viskoekies

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Bestanddele

'); googletag.cmd.push(function() { googletag.display('dfp-300x250-2'); }); document.write(''); }

Viskoekies:

• 500 g gevriesde stokvis
• olyfolie om mee te braai en oor te sprinkel
• 3 snye witbrood, korsies verwyder
• 1 eier
• 15 ml (1 e) soetrissiesous
• 30 ml (2 e) mayonnaise
• 30 ml (2 e) Dijon-mosterd
• 1 sprietui, gekap
• fyn gerasperde skil en sap van ½ suurlemoen
• hand vol koljanderblare, gekap
• sout en gemaalde swartpeper

'); googletag.cmd.push(function() { googletag.display('dfp-300x250-3'); }); document.write(''); }

Metode

Tartaarse sous:

Meng 125 ml (½ k) goeie mayonnaise met 1 fyn gekapte knoffelhuisie, 1 fyn gekapte ansjovisfilet, 30 ml (2 e) gekapte jalapeño-rissie, 30 ml (2 e) gesnyde kappertjiesaad, ’n hand vol gekapte grasuie ’n hand vol gesnyde Italiaanse pietersielie en ½ rooi ui, gekap.

Voorverhit die oond tot 200 °C.

1. Sit die stokvisfilette op ’n bakplaat, sprinkel olyfolie oor en geur na smaak. Bak vir 20 min. tot gaar.
2. Krummel die brood en meng met die eier, soetrissiesous, mayonnaise, mosterd, sprietuie, suurlemoenskil en -sap en koljanderblare. Vlok die vis by en geur na smaak. Bedek jou hande goed met meel en rol in 8 ewe groot viskoekies.
3. Verhit 30 ml (2 e) olyfolie in ’n groot pan oor matige tot hoë hitte en braai die viskoekies vir 3 min. aan elke kant daarin tot goudbruin. Dreineer op kombuispapier.
4. Sit die viskoekies voor met die Tartaarse sous, gebakte tjips, baba-kruieblare en lemmetjiewiggies.