– Saamgestel deur Catherine Schenck
Die slegte nuus …
Jy het dalk op ons facebook-blad gesien dat teks in Engels vertaal is en nie so mooi lees nie … Dit is outomatiese vertalings wat hierdie sosiale media-platform aanbring op teks, en ongelukkig is die vertalings in Afrikaans nie te waffers nie.
Die goeie nuus …
Jy kan dit verander en terugskakel na Afrikaans!
Ons wys jou stap-vir-stap hoe.
Stap 1: Gaan na die driehoekie wat ondertoe wys aan die regterkant van jou facebook-blad. Klik daarop en kies die “Settings”-opsie.
Stap 2: Nou sal ’n lys opsies verskyn aan die linkerkant van jou blad. Klik op die “Language”-opsie. Dan sal ’n boksie genaamd “Language Options” verskyn.
Stap 3: Onder “Language Settings” sal jy die volgende opsies kry:
- Soek na die tweede opsie genaamd “News Feed translation preferences.”
- Jy sal sien daar is drie opsies, en die derde opsie is “Which languages do you not want automatically translated?“
- Klik dan op “Edit”
- Dan sal ’n dialoogboksie oopmaak waar jy ’n taalnaam kan intik.
- Tik “Afrikaans” en kies dan die opsie wat “Afrikaans” wys.
- Klik op Save Changes.
Stap 4: Keer terug na rooi rose se facebook-blad en Siedaar! Die teks sal nou weer in Afrikaans wees.
Oor die vertalings wil ons graag sê …
“Ag Henry, I love it when you talk Foreign!”
Lees Meer
