Thaise biefslaai met brokkolini of brokkoli
Mon-Fri 09.00 - 17.00

Thaise biefslaai

24/11/2008

~

Op die manier kry jy sommer ’n goeie deel van jou daaglikse kwota groente in. Brokkolini is beskikbaar by Woolworths, maar jy kan dit deur brokkoli vervang. Brokkoli is ook ’n goeie bron van vitamien C! Resep deur Vickie de Beer

Thaise biefslaai

Serves: 4 Nutrition facts: 200 calories 20 grams fat

Ingredients

  • 2 (sowat 400 g) riboog-steaks
  • 15 ml (1 e) sesamolie
  • 2 stingels sitroengras
  • 12 aspersiepunte
  • 12 stingels brokkolini
  • 12 mange-tout (heel ertjies)
  • ’n hand vol fyn, Franse boontjies, stingels verwyder
  • 1 rooi brandrissie, in dun skyfies gesny
  • 12 kersietamaties, middeldeur gesny
  • ’n hand vol basiliekruid
  • ’n hand vol kruisement
  • 45 ml (3 e) vars koljanderblare
  • 30 ml (2 e) lemmetjiesap
  • 30 ml (2 e) vissous of sojasous
  • 15 ml (1 e) strooisuiker
  • 1 lemmetjie, in kwarte gesny

Instructions

  1. Verf die steak met die sesamolie en braai oor hoë hitte in ’n  verhitte riffelpan vir sowat 3-5 min. aan albei kante tot die graad van gaarheid wat jy verkies. (Indien die steak te dik is, kan jy dit vir sowat 5 min. in ’n warm oond sit nadat jy dit gepanbraai het). Geur met sout. Haal die pan af en hou eenkant.
  2. Kook die aspersies, brokkolini, mange-tout en boontjies vir sowat 1 min. in vinnig kokende water. Dreineer en dompel vir 1 min. in yskoue water. Dreineer.
  3. Verwyder die harde, buitenste gedeelte van die sitroengras en sny in dun skyfies.
  4. Meng die sitroengras en brandrissie. Voeg die tamatie, basiliekruid, kruisement en koljander by. Voeg die lemmetjiesap, vissous en suiker by.
  5. Voeg laastens die aspersies, brokkolini en mange-tout by en meng goed. Sny die steak in papierdun skyfies en voeg by die slaai.



Rooi Rose

Lees Meer

Beesvleis-en-Guinness-pastei met murg
04/07/2025
Basiese pampoentert
22/05/2025
Uiesop
22/05/2025