Tussen Ons Seisoen 2 Episode 15: Hoe om vir jouself mooi te word en te bly deur Mariette Snyman

LET WEL: Die episode bevat inligting wat vir volwassenes bedoel is en is nie gepas vir kinders nie.  Klik op die speelknoppie om na die episode te luister:

Krediet: Aangebied en geredigeer deur Mariette Snyman, vervaardig deur Hannelie Diedericks, musiek deur Mart-Marie Snyman.

Tussen Ons Seisoen 2 Episode 15: Hoe om vir jouself mooi te word en te bly

Vir baie van ons is dit moeilik om te glo ons is mooi nés ons is. Mariska Venter, wêreldklas rolstoeltennisspeler en nou ook model, vertel hoe sy daarmee vrede gemaak het dat sy nie meer kan staan of loop nie. Wat is die geheim van haar selfaanvaarding en onstuitbare lewenslus?

Mariska Venter is ‘n Suid-Afrikaanse rolstoeltennisspeler en model van Pretoria.
www.mariskaventer.com
Instagram: @mariskaventerofficial
Facebook: Mariska Venter

As jy gehou het van Tussen Ons Seisoen 2 Episode 15: Hoe om vir jouself mooi te word en te bly loer hier:

Meer oor Tussen Ons

Jy is mooi nes jy is! In Tussen Ons seisoen 2 gesels rooi rose-joernalis Mariette Snyman met kundiges en inspirerende vroue oor hoe jy gelukkiger kan voel in jou lyf – ongeag jou ouderdom, agtergrond of liggaamstipe. Vir meer inligting besoek rooirose.co.za of e-pos rrradio@caxton.co.za

Luister gerus na ons vorige seisoen van Tussen Ons, waar ons oor gelukkige verhoudings en seksuele gesondheid gesels

Het jy geweet?

Ons het nog heerlike podsendings waarna jy kan luister! Hier is wat voorlê en luister solank na die volgende:

Tee  & Taai Toffies

Bekendes soos Ruda Landman, Cindy Swanepoel, Nadia Beukes, Christel van den Bergh, Lindie Strydom en Werner Stander gesels elke tweede week openhartig met bekroonde joernalis en radio-aanbieder Ilse Salzwedel oor hul doen en late en lief en leed. Boonop gaan hulle probeer om vir luisteraars raad te gee oor hul verhoudings- en lewensprobleme. Gaan dit werk? Luister en oordeel maar! Ons waarborg ’n luisterervaring vol deernis en humor.

Botox, Barbies en Bietse

In dié vervolgverhaal deur Martie Swanepoel neem die bekende aktrise en stemkunstenaar Elize Cawood jou op ’n boeiende reis deur Liesl Burger se lewe. Liesl is ’n kunstenaar wat die plooie van haar man se verraad met ’n vintage Barbie uit haar lewe botox. Gedurende die 16 episodes gaan jy elke week saam met haar lag en ’n bietjie huil. En dalk jou vrouwees herontdek … Jy sal dit nie wil misloop nie!

#rrWenk: Jy kan gerus met oorfone luister