Uitpak pasta | rooi rose
Mon-Fri 09.00 - 17.00

Uitpak pasta

06/11/2008

Uitpak pasta

Serves: 4 Nutrition facts: 200 calories 20 grams fat

Ingredients

  • Basiese tamatiesous
  • 3 blikke heel, geskilde tamaties
  • 3 knoffelhuisies, fyn gekap
  • ’n paar takkies tiemie, (net die blaartjies)
  • 30 ml (2 e) witwyn
  • 60 ml (¼ k) aangemaakte hoenderaftreksel
  • Warm geroosterde tamatieslaai
  • 500g verskeidenheid kersietamaties
  • 30 ml (2 e) olyfolie
  • sout
  • 100 g dennepitte
  • 500 g gaar pasta van jou keuse (ons het penne gebruik)
  • 250 g spek, in blokkies gesny en bros gebraai
  • 125 g klaarbereide basiliekruidpesto
  • 60 ml (¼ k) geurige, swart olywe
  • 60 ml (¼ k) gekrummelde fetakaas

Instructions

  1. Kook al die bestanddele vir die tamatiesous vir 10 min. oor matige hitte. Maak die tamaties met ’n handmenger of vurk fyner (dit hoef nie so fyn te wees nie). Gooi die helfte van die sous in ’n vriessakkie en vries.
  2. Skakel die oondroosteraan.  Sit die kersietamaties in ’n oondpan, gooi die olie oor en geur met sout. Rooster vir ’n paar min. Strooi die dennepitte oor en rooster verder tot die neute goudbruin is. Haal uit. Hou die helfte van die geroosterde tamaties uit vir Saterdag se groenboneslaai.
  3. Meng die tamatiesous deur die gaar pasta. Pak dit uit saam met die ander bestanddele wat in klein bakkies opgedien word. Elkeen voeg dan sy eie kombinasie by die basiese tamatiesous.

 



Rooi Rose

Lees Meer

Gebakte Carbonara
09/03/2026
Gevulde en gebakte tamaties
06/03/2026
Grondboontjie-en-vark-roerbraai
28/02/2026