Varkneksteaks met kruievulsel

Genoeg vir 6

Bestanddele

• 375 ml (1½ k) broodkrummels
• 30 ml olyfolie
• 1 ui, fyngekap
• 2 selderystingels, fyngekap
• 125 ml (½ k) gekapte pietersielie, tiemie en salie
• 6 varkneksteaks
• 60 ml (4 e) botter
• 10 ml (2 t) olyfolie

Metode

Voorverhit die oond tot 180 °C.

1. Rooster die broodkrummels vir sowat 7 min. op ’n bakplaat tot goudkleurig.
2. Braai die ui en seldery in die verhitte olyfolie in ’n braaipan tot sag en deurskynend.Skep in ’n mengbak en voeg die broodkrummels by.
3. Voeg die gekapte kruie by en meng deur. Geur met sout en peper.
4. Sny ’n gleuf in elke varkneksteak en vul met sowat 30 ml (2 e) kruievulsel. Steek met ’n sosatiestokkie toe.
5. Smelt die botter en olyfolie in ’n verhitte braaipan. Braai die varkneksteaks tot goudbruin alkant.
6. Verlaag die hitte en braai tot deurgaar. Skep deurgaans van die botter oor die steaks.
7. Sit voor met sagte polenta of kapokaartappels.