*Om nooit jou toerusting skoon te maak nie …
Skootrekenaars, iPads en ander toestelle is ’n magneet vir kieme en bakterieë omdat dit in kontak kom met vuil hande. Vuiligheid beland in elke naat. Gelukkig is dit maklik om op te los. Maak dit skoon met watte of ’n oorpluisie wat in chirurgiese spiritus gedoop is of koop spesiale middels by iStore.
Gevolgtrekking: Dis regtig ’n slegte gewoonte!
*Om altyd jou gras in dieselfde rigting te sny …
As jy jou grasperk altyd in dieselfde rigting sny, keer jy dat die grasspriete regop staan en dit gee dit gras ’n plat of amper skuins voorkoms. Maak seker jy sny dit in alle rigtings sodat die gras nie in een rigting groei nie.
Gevolgtrekking: Net ’n bietjie sleg.
*Om nooit jou plante te voed nie …
Al hou kunsmis plante groen en welig, sal hulle daarsonder oorleef. Potplantgrond is gewoonlik reeds vrugbaar. Huisplante het minder energie nodig om te groei weens hul klein leefruimte versprei hulle nie hul wortels nie.
Gevolgtrekking: Nie sleg nie.
*Om ’n geroeste blikoopmaker te gebruik …
Roes aan ’n blikoopmaker bied ’n growwe oppervlak waaraan kos kan klou. Dit kan kieme versprei as jy ’n volgende blik oopmaak. Gooi geroeste oopmakers weg. As dit net ’n paar roes plekkies het, week dit in asyn en skuur die roes af. Keer dat jou oopmaker roes deur dit deeglik af te droog na dit gewas is.
Gevolgtrekking: Baie sleg.
*Om ou handdoeke te gebruik …
Na ’n paar jaar verloor handdoeke hul absorbeervermoë en sagtheid en kan dit begin vesel verloor. Dit is nie skadelik om met ’n ou handdoek af te droog nie, maar ’n nuwe handdoek sal die werk beter doen. Hersirkuleer ou handdoeke deur dit op te sny en as skoonmaaklappe te gebruik.
Gevolgtrekking: Soort van sleg.
Bron: Jessica Dodell-Feder, HGTV Magazine
Lees Meer
