Kyk wat kan jy doen met wasgoedpennetjies! Gebruik materiaal, papier en houtvoëltjies om die pennetjies te versier. Die pennetjies helder ’n vaal pakkie op. Wenk: Plak die papier en materiaal sommer met Prit. Die houtvoëltjies (en ander bykomstighede) kan by enige kunswinkel gekoop word.
Benodighede: Papiersakkies, materiaal, kleurpapier, pennetjies en ander bykomstighede.
Knip materiaal-Kersbome uit en plak dit op die bruin sakkies.
Volg hierdie stap-vir-stap prosedure en maak ou, geroesde blikkies mooi. Wenk: Jy kan hierdie blikkies gebruik om lekkergoed te verpak vir kinders se gekenkies. Of plant ’n mooi plantjie daarin en gee dit vir ’n vriendin.
1. Gebruik ou kosblikkies. Plaas dit in warm water, sodat die papier plakker nat word. Dan is dit maklik om dit af te haal.
2. Neem ’n hammer en kap die blikkie
Dan lyk dit so:
3. Gebruik nou verf om dit mooi te maak. Ek het hier Colour chalkboard paint gebruik.
Jou finale produk lyk dan so:
Sny skapie-figure uit (wenk: gebruik dik karton), en draai wol of kant om hul magies.
Hierdie skapie kan jy maak met vilt en enige dikkerige wol.
Gebruik spykers en hout om ’n ster te vorm. Kap die spykers in die vorm soos op die foto, en draai wol of lint om al die spykers.
Hierdie Eko-Kersbome wat ook in ons Desember-uitgawe gebruik is, is nou te koop!
’n Omgewingsvriendelike boom wat van ou hout gemaak is. Jy kan dit versier met blomme, vetplante, kerse, skapies, wol, ens. Neem dit ook na jou strandhuis vir die Feesseisoen.
Die gaatjies-bord boompies is tog te oulik en word ook deur Eko-Kersfees gemaak. Jy versamel jou eie pakkie wat die volgende insluit – ’n voetstuk, 2 boompies en 2 skapies.
Kontakbesonderhede: 084 602 5594 / erna.gericke@gmail.com
Green Elephant Collective bied die volgende versierings aan:
Gehekelde sterre
Gehekelde hartjies
Gehekelde swaeltjies
Gevoude boekversierings
Kontakbesonderhede: 082 940 9200
Lovilee het weer oulike plakkers vir jou pakkies
Kontakbesonderhede: www.lovilee.co.za
