Voorskou van die beste somermodes

Denim

Die staatmaker jean is nou ‘n moet-hê item. Jy hoef nie eens te wonder watter snit om te koop nie, want omtrent alle denim is in die mode. Jy kan kies uit die los mans styl jeans, stywe plankdun jeans, uitklok jeans en geskeurde jeans. Nie net jeans nie, maar denim hemde, rokke en rompe ook.

Skakerings van blou

Blou gee vir jou ‘n verskeidenheid opsies, want blou in al sy skakerings is mode. Van ysblou tot hemelsblou. Blougroen is ook ‘n goeie opsie want, dit is minder formeel as vlootblou en meer elegant as hemelsblou. Dit gaan goed saam met kameelkleur en wit.

Armbande

Dit is weer tyd om arms te wys en polse te versier. Kies ‘n armband in metaal, plastiek of een met edelgesteentes.

Uitgesnyde detail

Handsakke en skoene het nou dié interessante toevoeging gekry, naamlik uitgesnyde detail.

60’s

Beslis dié grootste trend vir Somer! Stof af die kort rompies en swaai jasse. Dit is weer tyd om mooi bene af te wys.

Strepe

Strepe is die seisoen dikker. Moet nie jouself beperk tot net reguit lyne nie. Probeer die nuwe diagonale chevron strepe.

Sonsondergang skakerings

Jy kan kies tussen al die skakerings van sonsondergange. Van oranje, pienk tot geel en koraal.

Maksi rok

Die stylvolle tog gemaklike maksi rokke is ook ‘n moet-hê item vir somer. Jy kan ook maksi rokke met boheemse patrone dra.

Broeke met patrone

Die patroon broeke het die seisoen eerder grafiese patrone as blom motiewe. Dra dit saam met effekleure of hemde met patrone.