Moenie verras wees as jy op nuwe medikasie is en opmerk jy is sweterig nie. Talle medikasies het ’n rooi gloed met of sonder sweet tot gevolg.
Baie medikasies laat jou bloedvate vergroot, wat tot die blos lei.
Waar ’n menopousale blos of ’n NET-blos kom en gaan is die medikasiegloed heeltyd teenwoordig tot die medikasie uit jou gestel uitgewerk het.
Is sweet en ’n rooi kleur van medikasie gevaarlik?
Nee. Dit is meestal niks meer as ongemaklik nie. Maar vra jou apteker of ’n gloed een van die newe-effekte van jou medikasie kan wees. Praat ook met jou dokter, want daar is dikwels ander medikasie beskikbaar wat jou nie sal laat sweet nie, of dalk minder sal laat sweet.
Medikasies wat ’n rooi gloed veroorsaak
Hier is die algemeenste medikasies wat gloede veroorsaak.
(Ons gee generiese name in Engels, om identifikasie op medikasiehouers makliker te maak)
• Niacin, nicotinic acid, vitamin B3 (As jy ’n vitamien B-kompleks gebruik sal dit ingesluit wees.)
• Talle bloeddrukmedikasies, spesifiek die vasodilators (Jy is waarskynlik op ’n bloeddruk medikasie as jy ’n hoë risiko op beroerte het, hoë bloeddruk het of sekere hartkwale het)
• Nitroglycerin (voorgeskryf vir sekere hartkwale)
• Prostaglandins (voorgeskryf vir onder meer sekere hartkwale, hoe bloeddruk, maagsere, erektiele disfunksie en gloukoom)
• Amyl nitrite, butyl nitrate (voorgeskryf vir hoë bloeddruk en hartkwale)
• Cholinergics
• Tamoxifen (gebruik vir borskanker)
• Cyproterone acetate (gebruik vir onder meer prostaatkanker, aknee en hirsutisme)
• Sekere kortisone, vir allergie en asma)
• Sildenafil (gebruik vir erektiele disfunksie, swak ereksie)
• Cyclosporine, rifampin, rifampicin (Antibiotika)
• Morphine
* Lees ook oor die NET kankers wat ’n droë hittegloed kan veroorsaak.
