Kykers moet nog meer as vier maande wag om te sien hoe Reandi Grey die plaaspaaie in ’n Toyota Hiliux vir die 18de seisoen van Boer soek ’n Vrou aandurf, maar dit is duidelik dat aanhangers reeds die slapies aftel na die begin van dié gewilde kykNET-maatsoekreeks.
Insluitende die komende seisoen, beteken dit dat 180 boere al aan Boer soek ’n Vrou, wat al talle huwelike opgelewer het, deelgeneem het.
Hier is wat jy solank oor die volgende aflewering van Boer soek ’n Vrou moet weet:
- Die agtiende seisoen van Boer soek ’n Vrou begin Donderdag 23 Julie 2026 op kykNET en sal oudergewoonte in die 20:00-tydgleuf uitsaai. Die werklikheidsreeks wat eers voor dit nog moet uisaai, is In die sop: Gastehuisrevolusie.
- In Boer soek ’n Vrou se eerste episode ontmoet Reandi vir die eerste keer al die boere op hul plase, terwyl sy in die daaropvolgende episode hul briewe aflewer. Kykers sal dus op Donderdag 30 Junie uitvind watter vyf boere se liefdesreis hulle gaan volg.
- Die episode wat op 23 Julie uitgesaai word, tel eintlik as die reeks se tweede episode aangesien die episode, waar kykNET die boere in November bekendgestel het, die afskop van die seisoen was.
- Die reünie-episode, waar kykers uitvind hoe die topvyfboere se soektog nog liefde uitgedraai het en hoe dit ook met die ander vyf boere gaan, saai op Donderdag 22 Oktober uit.
- Vanjaar se tien boere se ouderdomme wissel tussen 26 en 43.
- Die boere verteenwoordig ses provinsies met die Vrystaat wat die voortou met vier enkellopendes neem, terwyl die Noord-Kaap deur ’n vroue boer verteenwoordig word.
Die boere vir die 18de seisoen is:
Arno (28)

- Tzaneen, Limpopo
- Bosbouboer
- Vroulike pasmaat
David (43)

- Vierfontein, Vrystaat
- Gemengde boerdery
- Vroulike pasmaat
Francois (34)

- Hoedspruit, Mpumalanga
- Natuurbewaarder
- Vroulike pasmaat
Jack (30)

- Hermanus, Wes-Kaap
- Appel- en peerboer
- Vroulike pasmaat
Jacques (32)

- Nelspruit, Mpumalanga
- Makadamianeutboer
- Vroulike pasmaat
JD (28)

- Reitz, Vrystaat
- Gemengde boerdery
- Vroulike pasmaat
Junior (35)

- Bethlehem, Vrystaat
- Gemengde boerdery
- Vroulike pasmaat
Leandi (36)

- Ventersdorp, Noordwes
- Beesboer
- Manlike pasmaat
Luan (26)

- Strydenburg, Noord-Kaap
- Skaapboer
- Vroulike pasmaat
Willie (37)

- Harrismith, Vrystaat
- Bees- en mielieboer
- Vroulike pasmaat

