kategorieë: WenkeMode

14 items vir jou nuwe loopbaan

Wie sou kon raai dat drie hemde, ’n broek, ’n romp, twee rokke, drie paar skoene en ’n paar bykomstighede ’n volledige klerekas kan vorm met eindelose opsies van uitrustings? Die geheim is praktikaliteit en kleur. ’n Maklike riglyn is die ‘driehoek-kleurverhouding’ wat jy op enige uitrusting kan toepas om te bepaal of daar balans is. Wat dit beteken is dat jy bloot net moet sorg dat die primêre kleur in jou uitrusting drie maal herhaal word of met twee ander kleure in die uitrusting gekomplimenteer word.

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Bo-stukke

Wanneer ons kyk na bo-stukke is dit belangrik om ’n item te kies wat jou nie gaan bind in terme van kleur nie. Kry iets wat by alles sal pas, soos ’n wit kraaghemp. Die wit hemp is ’n moet-hê item omdat dit so prakties is. Volgende op die lys is ’n mooi bloes in ’n kleur wat by die meeste items sal pas. ’n Bloes is gerieflik in die somer, maar wanneer dit ’n bietjie koeler raak in die wintersmaande, is ’n polonek altyd ’n staatmaker. Jy kan dit saam met ’n baadjie, jas of selfs ’n rok dra.

'); googletag.cmd.push(function() { googletag.display('dfp-300x250-2'); }); document.write(''); }

Broeke en rompe

Die uitdaging met broeke en rompe is die feit dat ons almal verskillend gebou is en daarom is dit belangrik om deur jou figuur gelei te word. ’n Veilige opsie wat bykans alle figure komplimenteer, is ’n A-lyn midi-romp. Dit kan saam met ’n polonek, kraaghemp en selfs ’n kortlyf bloes gekombineer word. Veelsydigheid is hier weer baie belangrik. Dit is altyd ’n goeie keuse om ’n reguitpyp lang- of driekwart broek in jou kas te hê, aangesien dit prakties is vir enige seisoen. In terme van kleur is dit veiliger om te bly by donker en/of neutrale skakerings wat jou nie net skraler sal laat vertoon nie, maar dit is ook ’n meer diverse opsie om items mee te kombineer.

'); googletag.cmd.push(function() { googletag.display('dfp-300x250-3'); }); document.write(''); }

Rokke

Dieselfde reëls by broeke en rompe geld vir rokke. Maar, niks keer jou om met materiaal te eksperimenteer nie. Velvet, Check, suede en selfs gaas is vanjaar groot modetendense en sal jou uitrusting stylvol afrond.

Skoene

Wanneer dit by skoene kom, hang alles af van persoonlike smaak en die tipe beroep waarin jy jouself bevind. Jy wil nie ’n té hoë hak kies nie, daarom is ’n goeie maatstaf vir ’n hakskoen tussen 5 cm en 7 cm in hoogte. Die belangrikste is dat jy gemaklik moet wees met die hoogte van jou hak aangesien dit gemakliker sal loop, maar jou ook meer selfversekerd sal laat oorkom. Drie pare skoene is die ideale riglyn aangesien dit alle uitrustings, winter of somer, sal kan akkommodeer.

Bykomstighede

’n Paar mooi oorbelle, ’n veelsydige kleur handsak en laastens, iets anders soos ’n gaasjas met borduurwerk, doen wondere vir ’n klerekas met beperkte opsies. Laat jouself lei deur wat jou klerekas kortkom in terme van kleur en wat tans in die mode is.

Ons het 10 verskillende uitrustings uiteengesit om te wys hoe veelsydig die regte kombinasies kan wees.

Deel
Gepubliseer deur
Daniela du Toit

Onlangse plasings

Klein maar kragtig: Jou skildklier kan jou liggaam behoorlik deurmekaarkrap

Deur Christa Swanepoel   “Dit het gevoel of ek per ongeluk my energiekraantjie oop vergeet…

24 hours Gelede

Bou jy of breek jy jou kind se selfbeeld?

Selfs die mooies, slimmes en sterkes onder ons sukkel soms met ’n swak selfbeeld. Gee…

1 day Gelede

Die beste tamatiesous

Ek gebruik dié basiese tamatiesous altyd as pastasous. Dis min of meer dieselfde vir my…

1 day Gelede

Twee blitsidees met koejawels

Trope toe met koejawels in die kombuis! rooi rose se kosredakteur, Vickie de Beer, deel…

1 day Gelede

‘Die Kwiksilwers’ is hier – maak reg vir ’n film-avontuur soos geen ander nie!

Kwiksilwer, die vintage Ford Granada in die speelfilm Die Kwiksilwers, is nie sommer enige kar…

1 day Gelede

Gure voorspellings vir ‘Suidooster’ – en die Kaapse Dokter speel met niemand nie!

  Soos die Kaapse winter begin toesak op Ruiterbosch lyk dit of dinge wel warm…

1 day Gelede

Hierdie webwerf gebruik koekies.