Kyk Dirty Dancing by Cinema Nouveau op Valentynsdag. Foto verskaf.
Hierdie Valentynsdag bring Cinema Nouveau een van die mees geliefde klassieke liefdesverhale terug skerm toe. Jy kan nou vir die spesiale vertonings van Dirty Dancing op 14 Februarie 2019 bespreek. Fliekgangers kry ’n verwelkomingsdrankie voor hulle hul aan nostalgie oorgee.
Sommige flieks laat ’n merk op mense se harte lank nadat dit op die skerm gedebuteer het. Dirty Dancing is so ’n fliek. Romanse, dans en ’n onweerstaanbare klankbaan het kykgehore na die flieks laat stroom in 1987. Dit was ’n treffer!
Dirty Dancing vertel die storie van ’n jong vrou genaamd Baby, wat ontsnap van die beperkinge van haar oorbeskermende familie. Sy vind liefde en ervaar die lewe en sosiale onregverdigheid as haar gesin na ’n vakansie-oord gaan. Sy raak halsoorkop verlief op Johnny, ’n dansinstrukteur, gespeel deur ’n jong Patrick Swayze. Hy leer Baby, gespeel deur Jennifer Grey, om te dans. Sy leer hom op haar beurt om ’n beter mens te wees …
Moenie die vertonings by Cinema Nouveau misloop nie: Rosebank, Johannesburg, die V&A Waterfront in Kaapstad, Brooklyn, Pretoria en Gateway in Kwazulu-Natal. Die fliek begin om 20:00 en verwelkomingsdrankies word vanaf 19:00 bedien.
Bespreek kaartjies by www.sterkinekor.com of laai die SK-toepassing af. Volg Ster Kinekor op twitter @sterkinekor of @nouveaubuzz. Bel Ticketline by 0861 movies (668 437)
Lees Meer
