William Kentridge se beeldhouwerke is nou by die Norval-stigting te sien

William Kentridge se beeldhouwerke is nou by die Norval-stigting te sien inligting en foto’s verskaf, versorg deur Catherine Schenck. 

William Kentridge se beeldhouwerke is nou by die Norval-stigting te sien

Jy kan nou na Kentridge se uitstalling Why Should I Hesitate: Sculpture by die Norval-stigting in Kaapstad gaan kyk. Kentridge het dié driedimensionele kunswerke die afgelope 19 jaar gemaak. Dit is die eerste uitstalling wêreldwyd wat na sy werk as beeldhouer kyk.

Die uitstalling sluit werk uit verskeie reekse in, wat bewys lewer van sy langdurige en spontane improvisering wanneer hy met die driedimensionele vorm omgaan.

William Kentridge se beeldhouwerke is nou by die Norval-stigting te sien

Why Should I Hesitate: Sculpture wys hoe hierdie werke, wat rekwisiete in sy operas was, of as beelde in sy animasies gedien het, van die verhoog afloop en uit die skerm uit klim om ons direk op oogvlak te konfronteer.

Why Should I Hesitate: Sculpture stal ook nuwe werke uit wat spesiaal vir hierdie besonderse uitstalling geskep is.

Die uitstalling is ook die grootste Kentridge-uitstalling in Afrika in meer as ’n dekade.

Om dit nog beter te maak is daar in dieselfde tydperk  ook ’n uitstalling by die Zeitz MOCAA genaamd “Why Should I Hesitate? Putting Drawings to Work”. 

William Kentridge se beeldhouwerke is nou by die Norval-stigting te sien

Uitstalling-kurators: Karel Nel, Owen Martin

Kuratoriese en openbare programkoördineerder: Vicky Lekone

Kuratoriese en versamelingsassistent: Talia Naicker

Tegniese assistent: Mervyn van Rooyen

Bemarking- en kommunikasiekoördineerder: Luke de Kock

Grafiese ontwerper: Daniel Rautenbach

William Kentridge se beeldhouwerke is nou by die Norval-stigting te sien

William Kentridge se uitstalling by die Norvalstigting

Naam van uitstalling: Why Should I Hesitate: Sculpture

Plek: Atrium en galerye 2-8, Norval-stigting, Steenbergweg 4, Tokai

Datums: 24 Augustus 2019 – 23 Maart 2020

Uitstalling-kurators: Karel Nel, Owen Martin, Talia Naicker, Vicky Lekone

Het jy geweet? Ons het ons Junie-uitgawe se voorblad met Amalia Uys by die Norvalstigting geskiet. Loer hier

William Kentridge se uitstalling by die Zeitz MOCAA

Naam van uitstalling: Why Should I Hesitate: Putting Drawings To Work

Plek: Vlak 3 galerye, en regdeur die museum, Zeitz MOCAA; Silo-distrik, V&A Waterfront

Datums: 25 Augustus 2019 – 23 Maart 2020

Uitstalling-kurators: Azu Nwagbogu, geassisteer deur Tammy Langtry