Deur Margaret Gardiner
Liefde is iets waarna ons soek. Vele goeie boeke, flieks en liedjies draai om die onderwerp. Die gelukkige einde is baie anders van die menigte vorms van liefde wat ’n mens kry wanneer die krediete aan die einde begin rol. Die verskil tussen die twee mag die rede vir die hoë egskeidingsyfer wees.
Die gedagte het by my opgekom toe ek ’n onderhoud gevoer het met die rolverdeling van On Swift Horses, ’n tydperkfliek wat op Shannon Pufahl (2019) se debuutroman gegrond is. Dit bevat die volgende generasie van superakteurs: Jacob Elordi (Elvis), Diego Calva (wat vir Babylon benoem is), Daisy Edgar-Jones (Normal People), Will Poulter (The Revenant) en Sasha Calle (Supergirl) – wat ’n blink toekoms het wat voor haar lê. Onthou gerus haar naam.
“Ek is mal oor stories oor jongmense wat hulself vind,” verduidelik Daisy Edgar-Jones haar besluit om in hierdie fliek te speel. “Die storie is filmaties en tydloos. Al speel dit in die jare vyftig af, voel dit steeds vandag relevant. My karakter, Muriel, probeer haarself uit te pluis. Sy is deurmekaar en maak dikwels foute. Sy ontmoet haar toekomstige swaer (Jacob Elordi) en hulle herken iets in mekaar. Dis ’n platoniese romanse tussen mense wat mekaar verstaan. Daar is iets liries aan die draaiboek.”
Jacob Elordi en Daisy Edgar-Jones (Foto: Robin Marchant/Getty Images)
Die ding wat Muriel in Elordi (Julius) raaksien, skud die deel van haar los wat sy baie goed weggesteek het en wat haar huiwerig gemaak het om met Will Poulter se karakter, Lee, te trou. Die fliek, wat in Amerika ná die Koreaanse oorlog afspeel, raak aan temas wat klomp vroue vandag steeds bemoei. Wanneer Lee daarop aandring dat Moira haar ma se huis verkoop, waarvan sy die eienaar is, sit hy nie haar naam op die huis se titel nie wat hy vir hulle met ’n groot deel van haar geld gekoop het nie. So raak sy stemloos in hierdie historiese klimaat. Hierdie onsigbare dade van insluiting in kredietgeskiedenis geval vroue vandag steeds wanneer hulle skei, en nie eienaarskap of ’n finansiële voetspoor van verkrygings tydens die huwelik kan bewys nie. Die 26-jarige Londenaar het van Muriel se “stille rebellie” gehou wat ’n “geheime lewe” geskep het omdat die dinge wat sy wil verken, nie goedgepraat sou word nie.
Lees ook: Margaret Gardiner oor A Real Pain se sterre – Kiernan Culkin leer vir Jesse Eisenberg ’n lewensles
Diego Calva (Henry), beeld ’n rustelose swerwer uit wat met Julius se paaie kruis. Die Mexikaanse akteur beskryf Henry as: “’n Hond op straat. Hy het baie gesigte, is altyd aan die beweeg, maar vind ‘huis’ in Julius.” Wat ons by nog ’n ander vorm van liefde bring: Is liefde dalk daar waar ons die meeste tuis voel?
Uiteindelik kom ons by Sasha Calle – Sandra – se klein rol uit. In ’n uitmuntende vertoning wys haar karakter ’n ander vorm van liefde wat dikwels in die gedrang kom in die struweling na ’n ander se liefde. Naamlik selfliefde. Sandra, veilig in wie sy is, laat Muriel toe om haarself te wees, maar trek uiteindelik grense wanneer die koste om aan Muriel se behoeftes te voldoen, ten koste van Sandra self begin word. Dit is ’n belangrike lewensles. Wanneer liefde vir ’n ander jou seermaak, kan dit werklik liefde genoem word?
Jacob Elordi, Diego Calva, Daisy Edgar-Jones, Daniel Minahan, Kat Cunning, en Will Poulter. (Foto: Robin Marchant/Getty Images)
Hoewel die aanlyn beskrywings van On Swift Horses melodramaties klink, is dit die moeite werd om die temas van die film te ondersoek. Kan jy meer as een mens op ’n slag liefhê? Intimiteit lei tot verbintenis wat jou gemaklik laat voel; jy voel tuis en dat jy iemand soos jy gevind het. Dit laat egter die vraag ontstaan of hierdie bande wel liefde is, of iets wat vir ewig naamloos bly. Is enige emosie wat hoofsaaklik in een rigting gaan, werklik liefde? Ten slotte sê die regisseur Daniel Minahan die gedagte wat hy wil hê mense mee moet wegstap, is dat “sterk bande nooit uitgewis kan word nie, ongeag die omstandighede”, en as dit waar is, wie gee om wat dit genoem word?
KYK: Daisy Edgar-Jones gesels oor haar karakter in On Swift Horses
Volg Margaret op Youtube, Facebook, Twitter en Instagram!
Lees ook: Margaret oor selfvertroue en snedige kommentaar: ‘Ek’s benoud vir wat mense oor my gaan skryf’
