Caprese Kersfeesslaai met perskes

Genoeg vir 6-8.

Bestanddele

• groot hand vol vars basiliekruidblare
• 4 perskes of nektariens, in kwarte gesny
• 500 g kersietamaties, middeldeur gesny
• 200 g bocconcini-mozzarella
• 100 g dennepitte of gevlokte amandels, gerooster
• sout
• 30 ml (2 e) olyfolie en 45 ml (3 e) balsemiekasyn

Metode

1. Pak die basilieblare, perskes, kersietamaties en bocconcini in ’n kransvorm op ’n mooi dienbord uit.
2. Strooi die dennepitte oor, geur met sout, sprinkel die olyfolie en asyn oor en sit voor.