Aartappeltjies en soetpatats in sout gebak

Deur Vickie de Beer. Foto: Charles Russel en Lee Schwagele

Bestanddele

• 2 kg growwe sout
• 2 eierwitte, liggies geklop
• 6-8 klein patats
• 6-8 klein aartappeltjies
• ’n hand vol vars tiemietakkies
• ’n hand vol roosmaryntakkies

Metode

1. Voorverhit die oond tot 200 ˚C.
2. Meng die sout, eierwitte, tiemie en roosmaryn in ’n groot mengbak.
3. Sit die helfte van die soutmengsel in ’n oondvaste bak en rangskik die patats en aartappeltjies bo-op.
4. Skep die res van die soutmengsel op die patats en aartappels – maak seker die groente is met die mengsel bedek.
5. Bak vir sowat 45 min. of tot die soutmengsel ligbruin is en ’n harde kors gevorm het.
6. Breek die soutmengsel met ’n vurk oop en haal die aartappeltjies en patats uit.