Genoeg vir 6
Slaaisous
45 ml (3 e) olyfolie
30 ml (2 e) balsemiekasyn
5 ml (1 t) Franse mosterd (Dijon-mosterd)
1 knoffelhuisie, gekneus en fyn gekap
sout en peper
Tabasco-sous (opsioneel)
Slaai
2 avokadopere, ontpit, geskil en in skywe gesny
30 ml (2 e) suurlemoensap
12 gaar baba-aartappeltjies, middeldeur gesny
12 kersietamaties, middeldeur gesny
1 groen soetrissie, ontpit en in repies gesny
1 rooi soetrissie, ontpit en in repies gesny
blaarslaai van jou keuse – ons het bindslaai (cos lettuce gebruik)
12 olywe, ontpit
1 klein pers ui, fyn gekap
1 Maak eers die slaaisous deur al die bestanddele te meng. Hou eenkant.
2 Sprinkel ’n bietjie suurlemoensap oor die avokadoskywe om verbruining te voorkom.
3 Meng al die ander bestanddele liggies in ’n mengbak.
4 Rangskik die slaaiblare op ’n slaaibord en skep die res van die slaaibestanddele bo-op. Geur na smaak met sout en peper en selfs hande vol vars kruie soos grasuitjies en pietersielie. Giet die slaaisous oor en sit voor.
