Agter-die-skerms: Kry Irene Fischer se voorkoms

Irene se voorkoms

1. Gebruik ’n onderlaag met ’n skakering wat so na as moontlik aan jou velkleur is.

2. Vul jou wenkbroue met ’n bruinkleurige wenkbrou-potlood of oogskadu in. WENK: Gebruik ’n bruin wat jou haarlyn so na as moontlik naboots.

3. Plaas ’n donker, mat bruin oor die hele ooglid. Wend dan ’n glinsterende oogskadu oor die bal van jou oog aan. WENK: Charlie het MAC-oogskadu in die skakering, Woodwinked, gebruik.

4. Gebruik ’n mat, swart oogskadu as oogomlyner en wend dit met ’n klein grimeerkwassie teen jou wimperlyn aan, soos wat jy oogomlyner sal aanwend.

5. Wend maskara aan jou boonste wimpers.

6. Moet nie enige produk soos oogskadu, oogomlyner of maskara onder jou oë aanwend nie. Dit skep die illusie van ’n opwaartse effek. WENK: Indien jy ’n jonger voorkoms wil skep, is hierdie die truuk vir jou!

7. Wend ’n veltoon, mat poeier op jou wange aan. Dit sal jou wangbene beklemtoon. Wend dan ’n ligte pienk blosser aan die appels van jou wange. WENK: Charlie het MAC Mineralize Blush in die skakering, Warm Soul, gebruik.

8. Wend ’n ligte pienk lipstiffie aan om die voorkoms af te rond. WENK: Charlie het twee kleure gemeng om die perfekte skakering vir Irene te skep.

Charlie se wenke

“Onthou, donker kleure druk terug en ligte kleure bring na vore. So as jy diepte op jou oogbank wil skep, gebruik ’n donker kleur”.
“Moet nie net mat produkte op jou wange aanwend nie, dit is geneig om die gesig plat te laat voorkom.”
Indien jy oogomlyner onder jou oë wil aanwend, meen Charlie dat jy eers na jouself in ’n spieël moet kyk terwyl jy glimlag. Hoe meer jy van die wit van jou oë kan sien, hoe meer oogomlyner kan jy aanwend. As jy net ’n klein gedeelte van die wit sien, stel Charlie voor dat jy oogomlyner op net ’n derde van jou oog aanwend.