Bobbi Brown se nuwe veldtog | rooi rose
Mon-Fri 09.00 - 17.00

Bobbi Brown se nuwe veldtog

18/03/2014

~

Grimering alleen kan nie die speelveld gelykmaak vir vroue en meisies regoor die wêreld nie. Bobbi Brown glo egter dat wanneer vroue saam grimering skep, aanwend, koop en dra, hulle wel kan help. Die nuwe Pretty Powerful-veldtog is nie net daarop gerig om vroue en meisies hul innerlike skoonheid en krag te help raaksien nie, maar dit gaan veral daaroor om hulle mooi en spesiaal te laat voel sodat hulle kan uitblink in die lewe.
Die Pretty Powerful Campaign for Women & Girls is daartoe verbind om te verseker dat alle vroue en meisies opvoeding tesame met lewens- en werksvaardighede ontvang sodat hulle as individue, studente, werknemers, eggenote en ouers kan floreer. Die veldtog ondersteun ’n aantal liefdadigheidsorganisasies regoor die wêreld, asook Heartbeat in Suid-Afrika. Heartbeat is ’n organisasie wat omsien na die emosionele welstand van wees- en kwesbare jong vroue en meisies wat deur MIV geraak word. Lees meer op hul webblad: www.heartbeat.org.za 

Maak só ’n verskil: Wanneer jy ’n buisie van Bobbi Brown se bekende Everything Mascara koop, gaan 100% van die koopprys aan The Girl Rising Fund. Die maskara kom in ’n beperkte uitgawe pop-of-pink-buisie. Klik hier vir meer.

 



Rooi Rose

Lees Meer

Wenke om die lewe met sensitiewe vel ‘n bietjie makliker te maak
31/10/2025
Haarstyle vir fyn hare
22/10/2025
Die geheime agter sysagte bene
15/10/2025