Die vinnigste man op twee wiele. Dit was Brad Binder se droom vandat hy as Krugersdorpse kannetjie renstelle gery het. Ná die renstelle het motorfietse koning gekraai.
En nou is hy die Moto3-wêreldkampioen, en die eerste Suid-Afrikaner wat in 35 jaar ’n Grand Prix-titel kon wen.
’n Positiewe uitkyk is baie belangrik, want al is jy die wêreldkampioen en al het jy “pole”-posisie soos die geval was in Oktober in Maleisië, kan jy steeds afval en sewentiende klaarmaak. En boonop jou hare verloor! Brad het ’n vriendskaplike weddenskap met sy span gehad dat hy drie van die laaste vier oorblywende wedrenne sou wen. Anders kan die span sy hare afskeer. Die eerste wedren in Japan het hy naelskraap tweede gekom, in Philips Island het hy gewen, maar toe kom die ongeluk in Maleisië waar 17 van die 31 jaers van hul motorfietse afval. Gelukkig was daar geen ernstige beserings nie. En natuurlik een haredos …
Full respect to @BradBinder_41 2016 Moto3 World Champion for shaving his head after losing a bet! pic.twitter.com/chlgQYtkBa
— Tom Jojic (@CdnTom) October 30, 2016
Lees die volledige onderhoud met Brad in die Januarie 2017-uitgawe van rooi rose.
Lees Meer
