Brandewynwortels

Bestanddele

• 500 g jong wortels met hul groen stingeltjies nog aan
• 60 g botter
• 60 ml (¼ k) heuning
• 60 ml (¼ k) brandewyn
• vars heuningkoek (opsioneel, dis net as jy dit kan kry, vir die mooi)
• 250 ml (1 k) mascarpone

Metode

1. Kook die wortels vir 2 min. in borrelende kookwater. Dreineer dadelik.
2. Smelt die botter en heuning in ’n groot pan. Braai die wortels vir 2 min. in die heuningbotter tot hulle goed bedek is.
3. Gooi die brandewyn by en kook vir 5 min. af.
4. Lig die wortels met ’n gaatjieslepel uit die pan en sit op ’n opdienbord.
5. Kook die brandewynsous tot stroperig en gooi net voor opdiening oor die wortels.
6. Sit met skeppies mascarpone en stukke heuningkoek voor.