Wayde van Niekerk het ons trots gemaak by die IAAF-wêreldbyeenkomste in Londen. Ons goue seun het een goue en een silwer medalje verower.
Van Niekerk het tweede gekom in die mans 200m-finaal (10 Augustus 2017). Turkeie se Azerbaijaans-gebore Ramil Guliyev het eerste gekom met 20.09s – van Niekerk was kort op sy hakke met 20.11s. Jereem Richards van Trinidad & Tobago was een duisendste van ’n sekonde agter van Niekerk.
Slegs twee dae vantevore het van Niekerk het so te sê loshande goud verower in die 400m-finaal. Hy het gewen met 43.98s en silwer is deur Steven Gardiner van die Bahamas gewen met ’n tyd van 44.41s. In die derde plek was Abdalelah Haroun (Katar) met 44.48s.
https://www.instagram.com/p/BXjVposAy-q/?hl=en&taken-by=waydedreamer
Caster Semenya het derde plek behaal in die 1500m-finaal op 8 Augustus. Eerste plek is behaal deur Kenya se Faith Kipyegon (4:02:59) en VSA se Jenny Simpson was tweede (4:02:76). Semenya se tyd was 4:02:90.
Sy het eerste plek behaal in die 800m-uitdunronde. Haar landgenoot, Gena Löfstrand het sewende plek behaal in dieselfde item en het agste gekom in die semi-finale op 11 Augustus, met Caster wat daar ook gewen het. Sondagaand, 13 Augustus 2017, het Caster goud behaal in die finaal. Haar tyd was 1:55:16 – die vinnigste wentyd vir die 800m vanjaar (die huidige wêreldrekord is 1:53:28). Sy is gevolg deur Burundi se Francine Niyonsaba met 1:55:92. Ajee Wilson van die VSA was in die derde plek met 1:56:65.
Vanjaar se kompetisietoestande was egter nie maklik vir van Niekerk en Semenya nie. Van van Niekerk se teenstanders (asook buitestanders) het gekla dat die IAAF gunstelinge het en dat hulle van Niekerk probeer aanhelp het om te wen nadat Botswana se Isaac Makwala gediskwalifiseer is uit die 400m-naellope as gevolg van ’n maagvirus. Van Niekerk het na die 200m-wedren vertel dat hy teleurgesteld is in die manier waarop sy teenstanders hom sonder respek hanteer, maar dat hy bewys het dat hy die medaljes verdien omdat hy hard werk en fokus. Semenya is weer blootgestel aan vernederende vrae en gissings oor haar geslag tydens die kampioenskappe. Daar is selfs sprake van verdere toetse en moontlike diskwalifisering. Semenya het wel in ’n onderhoud genoem dat sy by die kampioenskappe is om deel te neem en nie om deel te wees van praatjies en aanklagtes nie. Sy het verder genoem dat sy “nie tyd het vir nonsens nie.”
Wayde van Niekerk gave an emotional interview as he reflected on his brilliant week at #London2017. pic.twitter.com/HiMIP9W7t7
— BBC Sport (@BBCSport) August 10, 2017
Lees Meer
