Chia-poedinkies

Chia is ’n wondersaadjie en ’n baie goeie bron van kalsium, kalium en omega-3. Chia beskerm die hart deur inflammasie, bloeddruk en cholesterol in toom te hou. Die saadjies kan op dieselfde manier as sago gebruik word.

Bestanddele

Genoeg vir 4

• 250 ml chiasaad
• 650 ml klapperroom
• 45 ml (3 e) heuning
• knypie sout
• 10 ml (2 t) vanieljegeursel
• 250 g aarbeie
• 125 g bloubessies
• 10 g Erythritol
• 500 g kersies, middeldeur gesny en ontpit
• 125 g mascarpone-kaas
• 125 ml (½ k) room

Metode

1. Meng die chiasaad, klapperroom, 30 ml heuning, sout en vanielje in ’n mengbak. Hou eenkant.
2. Meng die aarbeie, bloubessies en Erythritol in ’n mengbakkie en verwerk met ’n handmenger tot glad.
3. Skep die vrugtesous in vier 250 ml-bakkies.
4. Vul met die chiasaadmengsel en kersies. Sit vir 4 uur of oornag in die yskas.
5. Klits die mascarpone, room en res van die heuning tot lig en donsig.
6. Skep op die poedinkies.