Suid-Afrika se eerste Michelin-ster sjef, Jan Hendrik van der Westhuizen is die bekende fotograaf en skrywer van The French Affair en My Franse Kosverhaal, van dié mooiste kookboeke wat ek al teëgekom het. Hy is ook die eienaar en sjef van die bekroonde restaurant JAN, in Nice, Frankryk, lees ons onderhoud met Jan-Hendrik hier), waar hy gaste met egte Franse flair en ’n tikkie Suid-Afrikaanse nostalgie bekoor. Sy restaurante sluit ook twee kulinêre afsetpunte in, die JAN Innovation Studio in Kaapstad en Klein JAN by Tswalu.
Ouma Wes se pampoenkoekies
Genoeg vir 30
• 700 g (3 k) gaar fyn gedrukte pampoen
• 275 g (2 k) bruismeel
• 2 eiers
• 5 ml (1 t) sout
• 15 ml (1 e) bakpoeier
• olie vir braai
Karamelsous
15 ml (1 e) botter
375 ml (1½ k) suiker
200 ml melk
Pampoenkoekies
1 Meng al die bestanddele. Die mengsel moenie te styf wees nie – voeg nog ’n bietjie melk by indien dit te styf is.
2 Verhit ’n bietjie olie in ’n pan en skep ’n eetlepel vol van die mengsel daarin. Braai vir 1 tot 2 min. aan elke kant, of tot goudkleurig.
Karamelsous
3 Smelt die botter en suiker in ’n middelslagkastrol oor lae hitte tot dit begin karamelliseer. Voeg die melk by, terwyl jy roer.
4 Kook tot alles gesmelt is. 5 Sit die pampoenkoekies met die karamelsous voor.
Lees Meer
