Die wêreld gons oor: die hondjie wat ’n “tantrum” gooi

Klein Napoleon, ’n gemengde-ras hondjie, het ’n bietjie kwaai geraak nadat sy pleegma vir hom vertel het dat hy nie op haar skoot in die kar mag sit nie. Sy reaksie is opvreetbaar en dit lyk asof hy haar mooi smeek of hy nie maar op haar skoot mag sit nie.

Die video is wel net 44 sekondes lank, maar dit is al meer as twee miljoen keer op YouTube gekyk – en ons verstaan beslis waarom!

Kykers raak onmiddellik verlief op dié klein hondjie met sy groot oë en sagte kermgeluidjies.

Doen jouself ’n guns en kyk gerus na die video, want ons kan jou belowe dat dit die oulikste ding is wat jy dié week sal sien.