Vraag
Wat is mikrodermabrasie? Hoe werk dit? Is dit meer doeltreffend as ’n suurbehandeling by ’n salon? Watter een is die beste vir jou vel? – Katrien van Dyk
Antwoord
In ’n mikrodermabrasie-behandeling word daar fyn kristalpoeier op die gesig geblaas om van die ou keratienosites ontslae te raak sodat jou gesig weer fyn, vars en rooskleurig kan lyk. Dit is meer bekostigbaar en nie so indringend nie – die vel het ná die behandeling geen hersteltyd nodig nie. Indien jy die tekstuur van jou vel wil verbeter, is die indringender vrugtesuurbehandelings ’n beter opsie. Die vrugtesuur werk dieper in die vel sodat die tekstuur gladder en die kleur egaliger word en fyn lyntjies sagter op die oog is. In sommige gevalle kan jou vel ná die behandeling rooi en geswel wees. Sommige diep-suurbehandelings kan selfs die gesig laat vervel wat ’n gladder, jonger gelaat meebring.
*Isabel Roos uitvoerende direkteur van die Isa Carstens Akademie in Stellenbosch en Pretoria.
Lees Meer
