Thai-grondboontjiesous: Meng ½ k (125 ml) grondboontjiebotter, ½ k (125 ml) klappermelk, ¼ k (60 ml) sojasous, 2 t (10 ml) fyngekapte knoffel, 2 t (10 ml) fyngekapte gemmer, 2 t (10 ml) fyngekapte brandrissie, 2 e (30 ml) heuning en die skil en sap van een lemmetjie saam in ’n mengbak. Geur met sout en swartpeper.
Klits 6 eiers saam in ’n mengbak.
Verhit ’n medium braaipan oor matige hitte en spuit goed met kleefwerende kossproei.
Voeg ¼ k (60 ml) van die eiermengsel in die pan, beweeg die pan in sirkelbewegings om te verseker dat die eiermengsel eweredig versprei en ’n wrap met ’n dikte van ongeveer 2 mm vorm. Braai vir 2 min., draai versigtig om en braai tot gaar (ongeveer 1 min.). Hou eenkant.
Smeer 2 e (30 ml) van die Thai-grondboontjiesous op ’n wrap, skep ½ k (125 ml) geurige hoender (kry die resep onder) bo-op en garneer met julliene-groente soos wortel en mange tout.
Geurige dadel-en-sjerrie-hoender
Die hoender sal vir 2-3 dae in die yskas vars bly. Ideaal vir saam met die eier-wraps!
• 1 e (15 ml) fyngekapte vars gemmer en fyngekapte knoffel
• 4 grasuie, ruweg gekap
• 1 t (5 ml) gekapte brandrissies
• ¼ k ongesoute geroosterde kasjoeneute
• 500 g ontbeende hoenderdye (koop so by die supermark)
• ¼ k (60 ml) sjerrie
• 3 e (45 ml) sojasous
• 4 ontpitte dadels gesny
• sap van een lemmetjie
• 2 hande vol fyngekapte vars koljanderblare
Instructions
1 Verhit die olie en botter in ’n groot pan oor matige hitte. Geur die hoender met sout en verbruin alkant tot goudkleurig. Skep uit en hou eenkant. 2 Braai die gemmer, knoffel, grasuie en brandrissie vir 2 min. of tot die knoffel goudkleurig is. 3 Voeg die kasjoeneute en hoender by en braai vir 5 min. 4 Voeg die sjerrie, sojasous, dadels en lemmetjiesap by en laat die mengsel vir sowat 7 min. prut tot die sous afgekook is en die hoender gaar is. 5 Roer die vars koljander by en laat afkoel voor jy die gereg in ’n digsluitende houer bêre.