Federer en Nadal pak mekaar in Kaapstad

Federer en Nadal pak mekaar in Kaapstad inligting en foto’s verskaf.

Kry jou kaartjies vir The Match in Africa

Die twee tennis-ikone Roger Federer en Rafael Nadal gaan mekaar op Vrydag 7 Februarie 2020 in die Kaapstad-stadion die stryd aansê.

Kaartjieverkope vir dié geleentheid open om 09:00 op 4 September 2019 en beloof bekostigbare pryse – die goedkoopste prys is R150 per persoon. Daar is ook verblyfpakkette beskikbaar.

Behalwe dat Suid-Afrikaners die unieke kans het om die twee legendes op eie bodem te sien speel, het dié geleentheid ook ’n belangrike doel: Die opbrengs gaan na die Roger Federer-stigting wat help om Suid-Afrikaanse kinders in plattelandse gebiede op te hef.

Die Roger Federer-stigting fokus op opvoeding, omdat dit een van die kragtigste maniere is om ‘n mens se lewe te verander. Die stigting probeer om die gehalte van vroeë opvoeding te verbeter deur met plaaslike gemeenskappe en leiers saam te werk om verandering op grondvlak aan te bring. Loer hier vir meer inligting oor dié stigting: www.rogerfedererfoundation.org

The Match in Africa word aangebied deur ROLEX en Credit Suisse is een van die amptelike borge.

Die opbrengste van die Exhibition Night gaan na die Roger Federer-stigting.