Is goedhartigheid aansteeklik? Kyk of jy iemand kan “aansteek”!
Elkeen van ons hou daarvan om lekker te voel. Soms word ons sonnig wakker, soms vrolik iets ons dag op, en soms moet ons ’n bietjie moeite doen om gelukkiger te voel.
Hier is drie maniere om goedhartigheid te bewys (en self daardie warm gevoel te ervaar!)
1 Gee ’n Smile Card
Die Smile Card-beweging is eenvoudig: jy doen iets gaafs vir iemand – ’n vreemdeling of ’n bekende – en gee terseldertyd vir hulle ’n Smile Card wat hulle aanmoedig om die aksie te herhaal op enige manier wat hulle goed vind. Daar is die heerlikste stories op www.kindspring.org van mense wat die motor agter hulle se tolgeld betaal, ’n lotto-kaartjie vir ’n kassier gee, of ’n blom in ’n buurman se afgelewerde koerant los.
Kry nog idees by www.kindspring.org/ideas/ en laai Smile Cards gratis af by www.kindspring.org/smilecards/
2 Word ’n #Raktivist
By www.randomactsofkindness.org/ kry jy ook ’n magdom planne vir “random acts of kindness” wat van die wêreld ’n beter plek maak – klik op Ideas. Jy kan jou buurvrou se asblik voor haar huis staanmaak sodat sy dit nie doer hoef te loop haal nie, ’n bottel water vir ’n busbestuurder gee, of vir tien vreemdelinge op ’n streep glimlag.
Daar is spesiale bronne vir onderwysers ensovoorts – gaan na Educators – en wenke om ’n Kindness-klub te begin.
Laai #Raktag-kaartjies, waarmee jy die ontvangers van jou goedhartigheid kan aanspoor om dieselfde te doen, af by downloads.randomactsofkindness.org/RAKtag_cards.pdf
Kyk na “kindness videos” by www.randomactsofkindness.org/kindness-videos
3 Maak of koop ’n Kindness Bracelet
Die #OneKindThing wil Suid-Afrikaners in Julie aanvuur om een gawe ding vir ’n vreemdeling, nabymens of kennis te doen. The Bead Coalition het met handgemaakte kraletjie-armbande (R50 elk) en stelletjies waarmee jy “Kindness Bracelets” kan maak (R99.99 elk), vorendag gekom. Dis by CNA-takke en by www.beadcoalition.com te koop. Tien persent van die profyt gaan aan die Nelson Mandela Foundation.
Meer inligting by [email protected] of 083 227 8888 of www.beadcoalition.com
