Gort-en-Koeskoes-slaai met Geroosterde Lemoenslaaisous | rooi rose
Mon-Fri 09.00 - 17.00

Gort-en-Koeskoes-slaai met Geroosterde Lemoenslaaisous

20/05/2019

~

Sit hierdie slaai saam met die heerlikste stadig geroosterde Marokkaanse lamsblad voor vir jou geliefdes.

Gort-en-Koeskoes-slaai met Geroosterde Lemoenslaaisous deur Vickie de Beer. Foto: Charles Russel 

Gort-en-Koeskoes-slaai met Geroosterde Lemoenslaaisous

Serves: 8 Nutrition facts: 200 calories 20 grams fat

Ingredients

  • 15 ml (1 e) olyfolie
  • 1 ui, fyngekap
  • 10 ml (2 t) fyngekapte knoffel,
  • 15 ml (1 e) fyngekapte gemmer,
  • 5 ml (1 t) fyngekapte rooi brandrissie
  • 125 g gort
  • sout en swartpeper
  • 125 g koeskoes
  • 100 g granaatpitte
  • 100 g amandels, ruweg gekap
  • hand vol kruisement
  • hand vol koljander
  •  
  • Lemoenslaaisous
  • 15 g botter
  • 2 lemoene, rasper eers die skil af en sny middeldeur
  • 10 ml (2 t) fyngekapte knoffel
  • 10 ml (2 t) fyngekapte gemmer
  • 15 ml (1 e) korrelmosterd
  • 15 ml (1 e) appelasyn
  • 10 ml (2 t) heuning
  • 15 ml (1 e) whisky
  • 60 ml (¼ k) olyfolie

Instructions

Lemoenslaaisous

  1. Braai die halwe lemoene vir 5-7 min. of tot goudkleurig en gekaramelliseer in die gesmelte botter. Druk die sap in ’n kastrol uit.
  2. Voeg die lemoenskil, knoffel, gemmer, korrelmosterd, appelasyn, heuning, whisky en olyfolie by. Geur met sout en swartpeper.
  3. Bring tot kookpunt. Haal van die stoof af en hou warm.
  4. Braai die ui, knoffel, gemmer en brandrissie vir 5 min. of tot sag oor matige hitte in die gesmelte botter. 5 Voeg die gort en 1 liter (4 k) water by. Geur met sout en swartpeper. Bring tot kookpunt en laat prut vir 30-35 min. of tot die gort gaar is.
  5. Skep die koeskoes in ’n middelslag-mengbak. Geur met sout en swartpeper. Gooi 250 ml (1 k) kookwater by en maak die bak met kleefplastiek toe. Laat staan vir 5-10 min.
  6. Haal die kleefplastiek af en roer die koeskoes met ’n vurk deur.
  7. Meng die koeskoes, gort, granaat-pitte, amandels, kruisement en koljander in ’n groot mengbak.
  8. Roer die warm slaaisous deur die bestanddele. Sit met vars kruisement- en koljander-blare voor.

Sit hierdie slaai voor saam met ons stadig geroosterde Marokkaanse lamsblad

 



Catherine Schenck

Lees Meer

Sjokolade-piesangbrood
30/04/2026
Tamatieroomsop met kaasroosterbroodjies
30/04/2026
Romerige gebakte botterskorsies
29/04/2026

  • Lees meer