Die Tokai bosmark het groot skade gely ná die verwoestende veldbrande rondom Kaapstad. Die mark is geleë in een van die brand-sones op die skiereiland.
Dit is in 2007 gestig en het begin onder die naam Porter Estate mark. Dit is vandag een van die stad se top-markte en bied aktiwiteite vir oud en jonk teen ’n pragtige bos agtergrond. Daar is baie kosstalletjies en ’n wye verskeidenheid ander goedere te koop.
Talle van die stalletjies het groot skade gelei. Die kinders se speelplek is gedeeltelik vernietig en ’n aantal handelaars het al hul goedere en toerusting verloor. Die totale skade beloop sowat R300 000. Baie handelaars maak staat op die weeklikse markte as ’n inkomste-bron.
Die mark doen ’n beroep op sy lojale ondersteuners om te help op enige moontlike manier. Sommige van die items wat die mark desperaat nodig het om voort te gaan is:
• Bou-materiaal soos gegalvaniseerde dakplate, houtskerms, rakke, pale, hout en verf;
• Winter-toerusting soos patio-verwarmers;
• Somer-toerusting soos sambrele en tuin- afdakke;
• Elektriese en klanktoerusting soos luidsprekers, mikrofone, vragmotor-batterye en 7x25m kragkoorde;
• Algemene items soos gas-silinders, stoele en tafels, tafeldoeke en kragopwekkers.
Besoek www.facebook.com/tokaiforestmarket vir meer inligting.
