Hoender panzanella | rooi rose
Mon-Fri 09.00 - 17.00

Hoender panzanella

24/11/2008

Gebruik liewer hoenderborsies sonder vel in geregte, dit verminder die vetinhoud aansienlik. Voeg neute en sade by slaaie vir ekstra vesel en smaak.

Hoender panzanella

Serves: 4 Nutrition facts: 200 calories 20 grams fat

Ingredients

  • 4 hoenderborsies
  • 4 dik snye dag oud ciabatta
  • olyfolie
  • ½ komkommer, in dun repies gesny
  • 400 g (1 houertjie) gemengde babatamaties, middeldeur gesny
  • 4 ryp roma-tamaties, gekap
  • 1 geel, 1 groen en 1 rooi soetrissie, gerooster en in repies gesny
  • ½ rooi ui, in dun skyfies gesny
  • 30 ml (2 e) heel, gepelde amandels, liggies gerooster
  • 30 ml (2 e) swart olywe
  • ’n hand vol basiliekruid
  • Slaaisous
  • 45 ml (3 e) olyfolie
  • 30 ml (2 e) rooiwynasyn
  • sout en gemaalde swartpeper
  • 1 knoffelhuisie, gekap
  • blare van 4 takkies tiemie
  • gerasperde skil van 1 suurlemoen

Instructions

  1. Kap die hoenderborsies effens platter, verf met olyfolie en geur met sout en peper. Braai in ’n verhitte riffelpan vir sowat 3 min. aan albei kante tot goudbruin en gaar.
  2. Breek die brood in kleiner stukkies. Sprinkel olyfolie oor en sit onder die oondrooster vir sowat 3 min. tot die brood bros en goudbruin is.
  3. Meng die komkommer, kersie- en roma-tamaties, ui, soetrissies, amandels, olywe en basiliekruid.
  4. Slaaisous: Meng al die bestanddele en sprinkel oor die slaai.
  5. Skeur die hoender in kleiner stukkies en voeg  by die slaai. Voeg laastens die geroosterde brood by. Geur met sout en peper na smaak en sit voor.

 

 



Rooi Rose

Lees Meer

Gevulde en gebakte tamaties
06/03/2026
Eksotiese Thai-hoender met klapper-jasmynrys
20/02/2026
Lekker kosblik-idees
13/01/2026