Hoenderslaai met vars klapper

Ingredients

• Vars klapper gee ’n heerlike smaak en krakerigheid aan geregte. Maar dit verg ’n bietjie moeite om die sappige vlees uit die harde dop te haal. Maak so: Trek die meeste hare van die kokosneut af. Maak met ’n skroewedraaier gaatjies in die drie donker kolletjies (“die oë”) aan die bopunt van die vrug en dreineer die melk. Voorverhit die oond tot 200 °C. Bak die heel klapper vir 20 min. en haal uit. Hou die een kant van die warm klapper met ’n vadoek vas en kraak die dop met ’n swaar, stomp voorwerp soos ’n hamer. Breek oop en maak met ’n groenteskiller krulle van die vlees.
• 20 ml (1 e + 1 t) sagte bruinsuiker
• 200 ml (¾ k + 1 e + 1 t) klappermelk
• 45 ml (3 e) lemmetjiesap
• 5 ml (1 t) sesamolie
• 2 hoenderborsies, oopgevlek en middeldeur gesny
• 15 ml (1 e) olyf- of avokado-olie
• sout en gemaalde swartpeper
• hand vol kruisement
• vars of gedroogde klapperkrulle
• hand vol mangetout, in die lengte in repies gesny
• 1 komkommer, gerasper
• 30 ml (2 e) sesamsaad, gerooster
• lemmetjiewiggies