Die jaarlikse geleentheid, Carols by Candlelight, is ’n bederf vir die hele gesin met ’n eersterangse lys kunstenaars en dit merk die amptelike afskop van die feesseisoen.
Lloyd Cele, Louise Carver, Ross van Prime Circle, Danny K, Majozi, Kelly Khumalo, Cara Frew en Claire Johnston sal die feestyd-vreugde op die 2de Desember na St Stithians bring, terwyl Charlize Berg, Elvis Blue, Jo Black, Juanita du Plessis, Karen Zoid, Refentse en Joe Niemand die gees van Kersfees na Loftus Versfeld sal bring op die 5de Desember. Die super talentvolle Mzansi Youth Choir sal ook by beide geleenthede optree.
Jacaranda FM se aanbieders sal ook die begin van die feesseisoen vier en regstreeks vanaf beide geleenthede uitsaai.
Die SPAR kinder-vermaakterrein sal die kleingoed laat oorloop van vreugde met speelareas, speletjies, handwerk, rolprente en meer!
Toegang is gratis, maar om die liefde wyd te deel tot waar dit die nodigste is, word diegene wat Carols by Candlelight bywoon aangemoedig om ’n speelding te skenk wat aan uitgesoekte liefdadigheidsorganisasies geskenk sal word.
Kerse sal ook te koop wees teen R30, liedboekies teen R10 en ’n kers-en-liedboekie-pakket teen R35. Alle opbrengste sal aan Jacaranda FM Good Morning Angels toegeken word.
Die inligting
Johannesburg: 2 Desember 2017 by St Stithians College.
Pretoria: 5 Desember 2017 by Loftus Versfeld
Toegang: Gratis, maar jy word aangemoedig om ’n speelding te bring wat aan liefdadigheid geskenk sal word. Kerse en liedjieboeke word verkoop en dié opbrengste sal ook vir liefdadigheidswerk gebruik word.
Tyd: Hekke by beide geleenthede open om 16h00 en verrigtinge begin om 19h00 – 21h00.
Kyk na hierdie video met Charlize Berg en Kelly Khumalo vir ’n voorsmakie van dit wat jy by Carols by Candlelight kan verwag.
Lees Meer
