KANSA-tee Bloemfontein 2019. Foto’s verskaf.
KANSA-tee Bloemfontein 2019 in samewerking met SPAR
KANSA-tee Bloemfontein 2019
Die jaarlikse KANSA-geldinsamelingsprojek wat rooi rose saam met verskeie merkwaardige borge aanbied, vier vanjaar sy 38ste bestaansjaar. Reeds meer as drie dekades al bied rooi rose ’n jaarlikse geleent-heid vir KANSA-ondersteuners en kankeroorwinnaars om hul solidariteit in die stryd teen kanker te toon.
Hierdie projek samel geld in vir kankernavorsing en be-vorder die bewusmaking van kanker, en deur aan tafel te sit by hierdie lieflike oggendtee in Bloemfontein, lewer jy ’n noodsaaklike bydrae.
Vanjaar kuier ons op die pragtige Monte Bello Estate met vermaak deur topkunstenaars.
Die gewilde skrywer Madelein Rust is vanjaar ons gasspreker. Borskanker is in 2015 by haar gediagnoseer en sy is deur ’n mastektomie, chemoterapie en bestraling. In daardie jaar het sy vir rooi rose ’n blog geskryf oor haar ervarings as kankerstryder, sy het leer tango, as motiveringspreker opgetree en haar derde spanningsverhaal voltooi.
Lees ook: Boekuittreksel uit Kanker Schmanker deur Madelein Rust
Foto: Verskaf
Die bekroonde sanger, liedjieskrywer en verhoogpersoonlikheid André Schwartz gaan ons gaste meevoer. Die slegte nuus van motorneuronsiekte (MNS) het nie sy moed of vurige persoonlikheid beïnvloed nie, maar hom eerder aangespoor om elke dag voluit te lewe en nog harder te werk om sy passie vir musiek uit te leef.
Lees ook: 5 simptome wat almal moet weet oor Motorneuronsiekte
Foto: Verskaf
Die bekende en gewilde televisie-aanbieder Rozanne McKenzie is die seremoniemeester en gaan sorg dat sake glad verloop. Dié aanbieder van onder meer Nuusdag, Nasie in Gesprek en Geldhelde het verlede jaar haar eie maatskappy, Rozanne McKenzie Media, gestig.
Foto: Verskaf
Jy kan wen!
Bring ’n rand of twee saam vir die lootjies wat jy op die dag kan koop. Daar is hope lekker pryse op die spel!
KANSA-tee Bloemfontein 2019
Meer besonderhede oor die KANSA-tee Bloemfontein 2019
Datum: Saterdag 14 September 2019
Tyd: 09h00 vir 09h30
Plek: Monte Bello Estate, Bloemfontein
Donasie: R220 per persoon wat deur ’n gasvrou uitgenooi word, of ’n tafel vir ander gaste dek
Tema: Blom in volkleur
Vir besprekings en inligting oor die verantwoordelikhede van ’n gasvrou, kontak HJ Botha by 082 9622 898 of Johan Weyers by 083 707 8007 / 051 444 2580. E-pos jweyers@cansa.org.za
Lees Meer
