Ken jou liggaamsvorm en vlei jou figuur deur Susra Mathee en Bea Lingenfelder. Hooffoto:
Hooffoto: Ksenia Chernaya vir Pexels
Dit sal jou help om te weet watter klere om te dra wat jou figuur sal vlei sodat jy op jou heel beste lyk.
1. Die reghoek (I-vorm)
Daar is nie ’n beduidende verskil in die grootte van die heupe, middel en bors nie. Jy sal jou eie kurwes moet skep.
Fokus op A-lyn-rokke en bloese wat jou skouers beklemtoon.
Vermy noupassende klere, vormlose snitte en broeke wat nouer na onder gesny is.
Lees ook: 10 wenke om jou figuur te vlei
2. Omgekeerde driehoek (v-vorm)
Jou skouers is prominent en jy het dikwels ’n platter agterstewe en smal heupe. Dit beteken nie jy het ’n driehoekfiguur as jy groot borste het nie.
Hou die fokuspunt onder – broeke en rompe met ’n A-lyn en helder kleure werk goed.
Vermy hemde met ’n groot kraag of ballonmoue en broeke.
Lees ook: Vlei jou beste bates in ’n eenstuk-swembroek
3. Die peervorm (A-figuur)
Vroue met hierdie figuur is swaarder om die heupe en agterstewe.
Kies uitrustings wat die oog na bo lei, soos ’n bloes wat op jou skouers fokus.
Moet ook nie vergeet om jou middel te beklemtoon nie.
’n Romp of rok wat sag na onder uitklok, kan jou heupe en agterstewe verbloem.
Vermy broeke wat nouer om die enkels is en lospassende of uitklokhemde.
Lees ook: Maak jy onbewustelik hierdie 9 modefoute?
4. Uurglasfiguur (X-figuur)
Die omtrek van jou bors en jou heupe is min of meer dieselfde en jou middel is dunner.
Fokus op snitte wat vleiend om jou kurwes vou.
Vermy lospassende of oorgrootklere wat jou vormloos kan laat lyk, asook onnodige valle of versierings wat jou kurwes en liggaamsvorm oorbeklemtoon.
Lees ook: Hierdie 8 dinge kan jou slordig laat lyk
Hooffoto: Ksenia Chernaya vir Pexels
Lees Meer
