Klam karringmelkmuffins

Bestanddele

• 250 ml (1 k) koekmeel
• 10 ml (2 t) koeksoda
• 5 ml (1 t) sout
• 310 ml (1 1/2 k) semels
• 60 ml (4 e) bruinsuiker
• 125 ml (1/2 k) sultanas
• 300 ml (1 k + 3 e) karringmelk
• 2 eiers
• 4 rooi appels, gerasper

Metode

Voorverhit die oond tot 200 ºC; spuit ’n muffinpan met kleefwerende kossproei.

1. Sif die koekmeel, koeksoda en sout saam.
2. Voeg die semels, suiker en sultanas by.
3. Meng die karringmelk, eiers en appel, en klits tot skuimerig (moenie te veel klits nie). Voeg die mengsel by die droë bestanddele en meng goed.
4. Giet elke holtetjie drie kwart vol met die muffinmengsel.
5. Bak 15-18 min. tot gaar en goudbruin. Dit is ’n klam muffin met ’n sonderlinge tekstuur – al lyk hulle nie gaar nie, behoort hulle ná die aanbevole baktyd gaar te wees.